一年一度萬聖節,我地又出動啦!
一早係Big W買左兄妹每人一套衫, 哥哥骷髏骨, 仲有個頭骨面具; 妹妹係巫婆, 我貪呢條裙第日再當靚裙著出街都得! (本來仲有頂巫婆帽, 但妹妹唔肯戴!)
仲要買大少少, 可以著兩年!
其實呢日哥哥要tennis, 唔知打完先去trick or treat會唔會太夜呢?
出動啦! 去攞糖! 哥妹勁興奮! 個時已經五點幾六點. 首站係上年都見到,整得最有心思既一間屋.
唔知點解, 今年咁靜? 只有好少屋有派糖.成條街亦無以往咁熱鬧.
D人話因為呢日係禮拜四, 好多小朋友要學野, 所以有D人會順延至禮拜五先玩.
哥哥有個南瓜筒用左幾年, 今年無買個俾妹妹, 反而用個靚靚袋貼哂貼紙,
妹妹成日要拎個袋出街好過癮!
拍左唔係好多家門, 但收獲都唔差丫!
本來下半場, 係我地番屋企派糖俾人. 但唔知係咪我地個標誌太唔清楚, 好多人過門不入! 得一班小朋友嚟咋! 我預備既糖大部份都無用! 本來諗住留係禮拜五, 點知仲靜, 無人嚟! 呀仔都有D失望呀... 結果呀媽帶佢地去麥記飲杯奶昔補數!
希望下年熱鬧D啦!
No comments:
Post a Comment