呀仔日日放學都要爬樹, 但個棵樹高位D樹枝好幼, 次次我見到都心驚驚, 再跌親個頭就大件事!
心諗, 不如搵個地方, 正正經經俾佢爬餐飽啦!
終於, 去左呢度, 係Castle Hill既Edge Rock Climbing Center, 距離星期六補習好近咋!
我本來諗住視察下環境先, 但見都OK, 呀仔又勁想玩, 咁就俾左澳幣15任玩!
呀仔要繫住安全繩, 我係下面要用兩隻手幫佢拉繩, 所以一方面係佢自己上, 另一方面我都要出D力.
個場俾大人細路玩, 其實都幾高架(好似話有十幾米?), 但呀仔真係唔驚, 覺得勁好玩!
去片: (sorry, 我當時要拉住條繩, 又要拍野, 好多時都好吃力, 所以鏡頭會好郁!)
仲有另一塊牆, 矮D俾小朋友玩, 唔使我去拉繩!
話就話任玩, 但我地玩左兩個幾鐘頭, 其實我都已經好累!
其中一個挑戰, 係我一邊要拉哥哥, 另一邊要睇住個女, 個女成日想玩埋一份, 但佢太細個唔玩得. 佢又嘈又走嚟走去, 結果.... 我迫不得已買左支珍寶珠, 即刻安靜20分鐘!
呀仔叻叻! (原來日日對住佢, 但好少合照!)
呢個活動幾好, 幾多運動量, 應該會再帶呀仔嚟玩!
(後記: 我覺得自己幾儍, 一個女人帶住兩個細路嚟玩. 人地一係成班friend, 一係一家四口架嘛! 所以一邊幫個仔一邊追女都幾吃力. 有時諗原來我都無乜FRIEND, 有D孤單添... )
No comments:
Post a Comment