究竟呀仔係幾多歲開始戒片? 我都唔係好記得. 只記得大約3歲鬆D就完成任務.
終於的起心肝同妹妹戒片! 我唔記得以前點同哥哥戒, 但記得成日著布尿片要成日抺地...
宜家, 我同妹妹用"學習褲"開始...
每大約45分鐘同佢疴一次. 雖然超過一半時間都有wee wee, 但條褲衣然會濕, 即係佢仍然會自己賴... (有時會賴poo poo係條褲度添!)
有時唔知佢疴唔疴到, 我會坐係度等佢, 個衰妹就要我唱歌, 唱到我悶呀!
似乎進度麻麻, 仍然有漫漫長路(Rita話佢個仔用左2日就戒哂片! 點解人地咁快!!!) 希望今個夏天盡快搞掂!
No comments:
Post a Comment