從未試過, 亦未想像過, 一個大年初一會係醫院渡過...
因為老爺跌親, 入O左Hornsby醫院. 呢一跌之後, 呢個family既生活從此起好大變化...
老爺係新年早兩日跌親入院, 當時都幾大件事, 要叫白車.
我地年初一個日探佢(因為係星期五, 爹爹放假), 個時佢成日話要走, 苦苦要求我地同佢搭車番屋企;
但事實係佢雙腳行唔到, 要幾個人一齊扶佢先夾硬行到幾步.
個日真係覺得佢好淒涼...(不過後尾大家話係因為手術後麻藥未退所以佢有幻覺亂講野)
不過事態發展都ok, 之後老爺入O左Baulkham Hills 復康中心學番行路, 宜家就入O左間療養院, 比佢慢慢康復. 估計佢都未必番到屋企, 行番路呢條路都好漫長.
宜家大部份時間唔係係床就係輪椅
行路要兩個人扶, 同用支四腳架, 都已經算好有進步!
兩個小朋友, 成日話要去探爺爺! 不過去到又話悶呢...
(所以我要帶定D書同玩具比佢地玩!)
宜家D輪椅好靚, 成張舒服椅, 呀仔呀女好鍾意坐!
次次探爺爺, 佢地都好悶, 我次次都要帶齊野比佢地玩!
宜家四家人, 每家輪流探老爺, 基本上一星期每家探2日, 始終離我地家35分鐘車程, 有時楂車都累.
No comments:
Post a Comment