12月, 學期尾, 收到三張成績表.
我好緊張張成績表, 因為我想從一D客觀準則, 知道我個仔究竟係點既"質素"!
1. 學校成績表(幼稚園)
~ 呢次係第二次收到學校成績. 份成績表無排名, 只有佢係各科同表現屬邊等.
~ 上學期大致係Excellent, 有部份係Good, 老師評語話佢有好豐富Bank of Knowledge (我諗意指common sense 掛?)
~ 今個學期 - 全部Excellent! 評語一般都好, 但我唔知係咪個個同學都咁讚呢?
~ 我特登約左班主任Mrs. Whittingham 傾, 想知多D呀仔係學校既實際情況. 佢話呀仔係班算係最top個幾個, Reading同計數都非常之好, 一早已經over左幼稚園既程度, 教緊佢地高D班既野. 呀仔係班亦表現好, 有禮貎, "極之"多野講同十分樂意分享自己知道既野, 而佢知既野好多同學都唔識! 有時老師要叫佢唔好講太多, 因為好多同學仔未到個level! 不過有部份"閱讀理解"類既練習就做得唔係咁好, 要再練下.
2. SWOT Shop (Kindergarten)
~ 呢間巴巴閉既補習社, 今年開始上Year 1前要考試, 考到先可以升班(有錢都唔一定入得!)
~ 之前個老師讚過個仔, 話佢堂上表現好好, 好聰明, 所以考試前我都無同個仔練習(呢個亦係學校建議, 唔好去"操"個仔, 要佢地自然地表現佢地本身識既野). 點知....
~ 收到個成績表, 都幾驚訝, 25條題目只答O岩14條!!!! 我以為佢錯3幾條咋! 不過好彩, 都升到班. 我問個老師乜你唔係話呀仔表現好好咩? 佢話佢見到個成績都suprise, 可能佢臨場表現唔好喎! 呢個故事叫我, 唔好咁開心, 以為自己個仔好掂!
3. 中文學校(Year 1)
~ 呀仔係中文學校讀得快D,下年上Year 2! 今年主要學簡單句子.
~ 往年呀仔中文都會攞到D成績獎, 但今年發生左一件事, 所以我一早知己經無行...
~ 話說學期末考試, 考完時老師放學同我講, 呀仔"出貓", 所以份卷要扣分! 原來呀仔做完份巻, 見其他人攞本書睇佢又攞本書睇, 但佢無為意佢未交份巻比老師! (其實佢交左, 但老師問佢想唔想油埋顏色, 佢話想, 所以攞番份巻, 但佢油完又唔交番份巻, 就攞本書出嚟睇! 結果同學"告發" 佢出貓!) 本來老師話要扣佢10分punish佢出貓, 但我番到屋企越諗越覺得唔抵, 個仔根本係大意, 佢咁細個點識出貓呢, 於是同老師講番, 好彩佢都認同, 結果大家同意扣佢5分, 因為佢係唔適當時間打開本書. 我好開心幫呀仔爭取到呢樣野, 如果唔係佢就要背住"細細個就出貓"呢個罪名!
~ 但好唔抵, 原來全班本來得佢一個答O岩哂攞100分, 宜家得95分囉!
~ 但再加埋佢上學期考試, 儍更更唔答哂份巻仲要袋番屋企, 呢鑊扣好多分, 所以乜野成績獎都無望啦!
睇到香港D學生學好深既野, 父母為考試升學好辛苦, 我成日覺得自己好好彩架啦, 呀仔暫時都無乜壓力, 學習如玩樂都好愉快. 不過老公講得O岩, 盡量令呀仔自覺自己係班入面都係top個D, 等佢繼續鍾意keep住呢個level, 有時同人爭下, 有上進心, 唔好後退.
No comments:
Post a Comment