暑假好好玩 - 溜冰

今年係第一次呀仔放"真正"既暑假, 做媽媽既之前都幾恐惧: 6個禮拜, 點涯呀??!!
但執筆之時, 正是6個禮拜既完結, 番一年班既第一日, 竟然覺得暑假太短!
究竟呢個暑假我地做O左D乜呢?

我唔想個仔日日係屋企睇電視, 於是我定O左一個"奬賞計劃": 但凡做O左5版練習簿, 或者讀O左一本書而又答哂我既問題, 就可以得到蓋印一個, 集齊10個印, 就可以去一次"special event"! 

講真, 其實集齊10個印唔難, 最快5日搞掂, 反正我都諗住帶佢去唔同地方玩, 咪俾個動力佢, 等佢唔好太懶. 當然, 我亦唔想暑假都迫佢做太多野, 所以D練習簿同書都好easy.

OK, 第一次集齊10個印, 第一個想去既special event, 係呀仔好想去既溜冰! 

除O左入場費, 我另外俾多3蚊, 就會有個姐姐係頭半小時教你溜冰基本技巧.

其實呀仔都可以唔扶住周圍行, 不過就未可以好流暢咁周圍"溜"囉.

我以為自己好醒, 同個仔帶定手套, 點知我完全無為意, 個場原來超....凍! 我同個女係呢2小時凍凍凍凍, 震震震震, 好彩有個小食部, 我就同個女食杯面(個女未食過!), 飲朱古力保暖.

後尾先發現樓上有間Cafe, 即刻留係個度, 睇住呀仔溜.

我初時都驚呀仔悶, 係個場係咁行來行去, 但後尾都有D野玩, 好似"蓮步"咁, 佢都好鍾意!

溜完出返嚟, 暖哂! 其實個溜冰場就係我地成日去既鴨池隔離, 2個人仔梗要探下D老朋友啦!