媽媽朋友幾個family係ANZ Day公眾假期(25/4)去picnic. 我每次都諗住去三幾個鐘, 點知玩下玩下, 由朝早出門口, 會天黑先返!
今次去Yamble Park, 係Ryde, 我駕車半小時左右, 個公園唔太大, 但都幾多野玩!
妹妹轉轉轉!
妹妹sir sir sir!
坐車車
爬爬爬
我地見到著名兒童節目主持人Jay(個坐係度既男人), 同佢女女一齊嚟玩. 我影唔到張正經合照, 影到妹妹背面咋!
係呀,我成日影妹妹, 因為哥哥一見到好朋友Max, 就已經唔知飛左去邊! 我都唔好意思, 要Max個daddy成日幫手睇住呀仔, 但我實在睇唔住呢2個玩唔同野既小朋友!
哥哥有段時間同Max & Chanelle 兩兄妹踢波. 不過有段小插曲, 原本Max 同Brian好好朋友, 但因為有我個仔"介入", 所以Brian有D失落. Brian媽媽話可能獨生子唔太識得同多D人相處, 只知道"單對單". 我都唔係咁好意思呀!
呢D秋涼既日子去picinc 簡直一流! 同埋我最開心見到對仔女同我地認識既一班小朋友一齊玩!
玩到成身沙, 我都無眼睇啦!
不過呢, 我呢日feel到自己尿道有D問題, 成日要去廁所, 所以都唔係咁自在. (第二日睇醫生, 知道係尿道炎.)
到5PM, 個天開始黑, 知道會黑得好快, 夜無可夜要番屋企, 就拎住一袋二袋, 同埋一隻二隻小魔怪去搵番架車. 點知妹妹勁玩完開始勁扭計, 拎住好多野仲要抱個勁喊既妹妹我已經勁吃力, 仲要個仔話累唔想行, 仲要, 我唔見左架車!!!!!! 行多一條街, 都唔見呀! 個天就嚟黑齊, 嚇到我死! 我又CALL其他媽媽想搵人幫手, 但佢地又走哂,我唔知點算! 結果, 我叫個仔坐係街等我, 我放低D一袋二袋, 抱住個扭計女再深入D周圍搵車. 好彩, 原來我係泊係條內街再入D(我記錯自己泊得出!), 終於係天黑駕車離開! 真係烏龍!
唔敢同老公講呀, 佢會鬧我仲乜去咁耐街架啦! 佢唔太明點解我成屋咁亂都仲要去picnic, 點解唔留係屋企做野? 但對我嚟講呢D係仔女好健康既節目, 亦令佢地好開心.
No comments:
Post a Comment