上個禮拜日母親節, 其實同每一個星期日一樣, 都係好忙(因為呀仔要去學音樂同學中文). 少少唔同既, 係呢日舖頭好忙, 所以老公要一早番舖頭, 我係全天候睇住兩隻細野(因為平時星期日老公可以遲少少番). 結果, 全日都係被家務包圍住!
仔女仲細, 當然唔識咩慶祝, 但呀仔係學校預備左D母親節禮物, 我都幾開心....
幅畫應該唔係自己畫(因為佢既畫功唔會咁好), 但應該有份油.
張咭就係中文學校老師教佢地寫既...
其實我最鍾意係呢份禮物. 呀仔間學校有個"Mother's Day Shopping", 叫家長俾佢地$1-$5, 等佢地係學校一個母親節攤檔自己揀份禮物. 雖然錢係我既, 但係呀仔第一次去揀, 係眾多物件度揀一件佢覺得媽媽會鍾意既野送俾我, 我覺得幾有意思!
我俾左$3佢, 佢揀左呢隻杯俾我. 我問點解佢揀呢樣, 佢話:"靚囉!" OK, 幾實用,O岩我! 呀仔, 揀得唔錯!
No comments:
Post a Comment