我細個有參加朗誦比賽同演講比賽, 雖然無乜攞過獎, 但我覺得小朋友參加呢D比賽係好事, 可以練下對群眾既presentation, 練下膽色.
今次參加呢個係New South Wales全省既中文朗誦比賽. 呀仔參加"個人賽"同"團體賽". 團體賽係中文學校老師揀幾個小朋友參加.
至於個人賽.... 能可有少少情義結, 當我知道呀仔中文學校可以幫我地報名, , 我就決定參加. 但事前完全唔敢諗呀仔究竟掂唔掂, 總之就去馬!
揀左呢兩首詩:
其實都唔係揀習左好耐, 只係比賽前早幾日開始同佢溫. 我對佢既要求係: 上到台, 你讀哂D野, 咁就得! 加上佢平時講中文都幾多懶音, 所以今次比賽, 可以話係完全無要求, 至在攞經驗!
結果, 呀仔係如預期般"完成任務", 仲要係比平時讀得快, 連少少高低音, 快慢節奏都抛諸腦後! 事後問佢, 佢話"我想快D讀完快D落番嚟!" 都明既....
其實其他小朋友都唔係話讀得好正, 大家對呢班小朋友既要求都唔係要字正腔圓, 動作多多.
其實個人賽係分哂組係班房進行, 咁都好D, 幾驚要上個大台, 嚇親5歲半0靚仔! 今次評判之一, 係之前係澳洲TVB有個"英語三分鐘"節目既主持添! (後排左二)
好啦, 參加完個人賽, 番團體賽度練習同stand-by!
上台表演. 我又要睇住個女, 又要影相同拍video, 都幾"呢hea"!
個衰仔, 係呢段只係大約1分鐘既表演時間, 竟然係咁"捽眼"!!! 呢D完全唔識大體, 唔知比賽上台為何物既0靚仔, 捽遲D或者捽快D都唔得! 我真係比佢激死!
其實我都無乜留心其他表演既團體. 係宣佈細果時, 我心諗, 佢地都唔係好突出, 仲要加埋個仔勁捽眼, 我諗多數無獎, 頂哂籠攞季軍. 所以當宣佈佢地唔係季軍時, 我就收埋哂D相機. 點知....
宣佈亞軍... 竟然係佢地!!! 我都諗會唔會係我記錯佢地學校名, 到見到班老師好開心同埋預備上台時, 先至肯定!
D老師應該幾開心, 因為我地呢間學校唔係成日攞獎, 同埋有獎金! (但唔多, AUD50俾學校, 得啖笑!)
我事後問呀仔, 知唔知發生咩事, 知唔知佢地個組攞第幾名, 佢話"um... I don't know.... may be.... 9th? or the last?" 根本班0靚仔(或者只係我個仔?) 係度遊魂!
咦, 講左咁耐, 妹妹係邊?
成個上午, 唔係睇表演就係度等. 睇表演時又怕妹妹會嘈, 會叫哥哥, 我要預備好多玩具同食物, 但呢個女當然唔係咁易對付, 都搞到我幾忙架!
宜家出街, 成日都要帶佢既至愛Hello Kitty背包, 我袋哂D玩具落去, 俾佢自己慢慢揀!
係個禮堂度, 我同佢玩貼紙. 睇下個儍樣!
呀仔第一次上報! 我KEEP左幾份, 仲叫佢攞番學校哂下!
