有幾年除夕, 我同個仔(上年開始, 加埋呀女), 一齊落Parramatta睇煙花. 其實姑姑有叫我地出City睇正式個個(即係年年係悉尼橋個個), 但路程太遠, 又太夜(12AM), 又要早霸位, 又要煩邊個送我地番屋企. 但係Parramatta睇煙花， 佢地為小朋友而設９ＰＭ場， 岩哂我地呢Ｄ睇完拿拿聲番去同仔女訓覺既人。而且我駕車去個度， 就算泊車要泊遠少少， １０ＭＩＮ行路路程都ＯＫ。
好似今年咁， 我地係屋企食完晚飯洗埋碗先去，其實都差唔多夠鐘，泊完車行到嚟呢個睇煙花位， 煙花岩岩開始，完全唔使等，唔使我應付兩隻無耐性既小魔怪，正！不過，個位唔太正，有樹阻住，但都ＯＫ既！（好過呢張相既，不過實在無手影相！）
無為意原來兩個小朋友太矮，其實睇得唔多清楚。結果有段時間，我係一手抱仔一手抱女，或者輪流抱佢地，重死我！不過係Parramatta睇，始終Ｄ煙花會近Ｄ！
睇完啦！我地行番去攞車，年年都會行呢條”馬路”，呀仔好開心可以係馬路度dance!
呀女呢日好乖，無乜扭話要落地，因為我地帶埋表ＥＥ個飛機燈籠！
我應承呀仔同佢食消夜，我地去左麥記，三個人食左一包細薯條同一杯大橙汁，為呢個除夕慶祝畫一個飽飽既句號！
其實仲有一個餘慶節目，就係番屋企係後園放左兩支煙花仔，呀仔第一次玩好開心！
No comments:
Post a Comment