壓軸大禮, 當然係由爹爹媽媽送啦...
上年送單車, 今年, 為慶祝呀仔就嚟入學, 我地買左..... 一張書枱俾個仔!
其實我本來覺得呀仔唔使咁快買書枱住, 佢而家求其用張枱仔就得. 但老公想佢D野organize得好D,多D意識自己執好自己既野, 同埋以後寫字畫畫就唔使次次去唔同枱. 咁都岩既.
老公想X'mas前送俾個仔, 所以買完之後, 我地有一晚兩個一齊砌砌砌到成零辰4-5點先訓! 呢張枱都要成三百幾蚊澳幣. 坦白講, 我諗呀仔對玩具感覺會大D, 但呢D就實用D, 長遠對呀仔有用.
係喎, 成日講呀仔收乜乜物物禮物, 咁呀女呢?
嘻嘻, 呀女太細, 未識收禮物住, 等佢大個D先啦! 俾個帽仔佢戴下佢已經好開心啦!
爹爹為左搵多D錢, 係大時大節舖頭都唔關門,自己無休息. 呢個爹爹, 含畜得嚟其實勁錫對仔女, 有時我D野求其D, 但佢就執得緊D, 佢欠既只係時間.
No comments:
Post a Comment