今個聖誕勁豐收 - family party!

有幾年既聖誕節都係二姑媽屋企過. 今年Janica一家番嚟, 更加要慶祝下!

呀仔之前一晚係姑媽屋企過夜, 好開心咁同Raymund表哥一齊訓. 之後陸續D表哥表姐嚟玩, 咁熱鬧佢就更加開心啦!



姑媽屋企有棵聖誕樹, 幾個family D禮物放哂落去, Aidan同錡錡表姐仲係度成日數自己有幾多份禮物係度!

大食完一輪之後, 到派禮物時間! 原來樹下面大部份禮物都係俾4位小朋友! 有咁多禮物, 佢地梗係開心啦!

今年有好多禮物,有大表哥既砌火箭, 姑姐既blocks, 二姑媽 Spiderman poster, 大姑媽利是, 娘娘既筆袋同筆, 妹妹都收到娘娘既泳衣, 表姐既衫衫, 姑姐既Hello Kitty背包等等.

收得咁多禮物, 當然我亦有付出. 之前幾個禮拜係shopping center巡來巡去, 買禮物俾各人.

今年度"我最喜愛聖誕禮物" 係...... 邦表哥表嫂送既恐龍變型車!!!!

而妹妹最LIKE既.... 又係邦表哥表嫂送既"Baby doll doll 連推車仔"!!! (食飯都要攬住!)

係澳洲大家會比較重視聖誕, 對小朋友嚟講亦比較有氣氛!