走啦, 2年一次既香港之旅到尾昇. 唔知點解次次book機票時都覺得個trip好長, 成個月做乜都得啦! 但到離開, 就覺得一個月實在太短.
夜晚機, 我地早D去機場2號客運大樓周圍行, 作為最後一個節目.
妹妹周圍走, 婆婆影低佢既活潑照. 係咪想影張我當年係啟德機場既經典相"Peter Pan"?
3個為食人, 係food court 排排食!
呢日係10月1日公眾假期, 慧慧一家一齊嚟送機. 呀仔同穎穎手拖手周圍行, 好好朋友!
大哥哥, 照顧2個小妹妹
慧慧staff card係機場美心有折, 係呢度食左餐豐富晚餐
表姐妹, 同埋下一代既表兄妹
餘慶節目: 婆婆剪腳甲!
再見啦! 希望我2年後會番嚟啦! 或者你地嚟探我地啦!
呢程夜機全機滿座, 但航空公司幫我安排左第一行位, 仲留左一個BB籃俾呀女. 呀仔係飛機起飛未除seatbelt sign已經訓著, 呀女玩左一陣都訓, 差唔多落機先醒, suprise我竟然都有約3個鐘訓覺時間! 好驚喜! 同埋D椅都算舒服, 今次對Qantas印象好好!
呀女訓醒, 係個籃度喊, 好似隻小鳥係樹上面既鳥巢度伸個頭出嚟, 好搞笑!
呀仔上次去香港個程飛機食左個杯面, 但今程無乜時間, 因為佢一路訓, 到早餐時間我怕佢餓先叫醒佢.
番到悉尼, 生活繼續. 有D慶幸自己選擇呢個旅程係9月完成. 之前有諗過11月番香港, 因為天氣無咁熱, 但其實我地10月番悉尼之後, 有好多節目, 例如呀仔升幼稚園有幾個orientation, 呀仔D tennis class, 中文班等11月亦會忙過9月, 仲有大表哥10月既婚禮.... 番悉尼又繼續忙碌了!
No comments:
Post a Comment