遊玩迪士尼

其實唔係話次次番香港都要去迪士尼, 但始終卡通人物同埋玩既遊戲一定會令你既小朋友勁勁勁開心, 你又點忍心唔每次番香港都去朝拜一下呢?

一家五口係樂園門前合照!

個仔成日話頭暈, 唔知係病完係咁定係懶? 都係用$90租架車仔俾佢坐, 費事下下又話休息又要等佢, 浪費時間金錢!

朝早勁熱勁哂, 只係去左第一站灰熊山谷，妹妹已經熱到無哂心機!

第一個玩既遊戲係彈彈狗, 我同個女坐另一行. 點解可以俾BB玩架?? 我就嚇到死啦!

見到胡迪, 仲要唔係好多人影相咋, 我地影左呢張靚靚大合照!

其實呀仔初時唔係好肯同呢D綠衣人影相架...

天色開始變, 我地拿拿聲由"反斗其兵大本營"去"幻想世界"睇一定要睇既3D movie! 雖然已經係第三/ 四次睇呢套片, 但次次都好期待有D水彈出嚟同埋D香味! 呀女都睇得好投入!

由上午勁熱勁哂, 到下午忽然天色大變, 仲落起大雨嚟! 唯有兵分兩路, 我推住個仔睇下有咩無關門仲可以玩, 媽咪同家姐就睇住個女同佢訓覺.

有D機動遊戲因為落雨暫停, 其他玩得既都要排長龍. 我地係"維尼歷險之旅"排左半個鐘左右, 　原來呀仔仲記得2年前去過呢度, 佢仲話要去入面睇"芝麻開門"!

雨無咁大, 但又好唔想再排長龍玩其他野, 於是排隊同卡通人物影相. 可惜妹妹唔係度丫...

不過都唔係排得短, 排排下又話卡通人物要"補妝"要休息...

影左米妮同維尼咋! 之後都無乜機會見到LU!

好啦, 好天番, 妹妹又訓飽, 我地又出動!

去左小小世界, 呀仔呀女都會鍾意!

終於... 終於嚟到啦! 係呀仔去迪士尼最最最重視既環節 - 探巴斯光年! 呢張相類似既POST又係2年前影過, 話唔定2年後又再影!  由於已經係黃昏, 無乜人排隊, 我地入去玩左3次, 呀仔過足癮!

咦, 咁女仔架!

姨姨同呀仔一樣, 好鍾意食POP CORN! 食得呀仔幾滿足!

媽媽唔會買呢D公仔, 但亦有買D衫同手飾留念!

買完紀念品7:30PM, 我地仲睇埋個fireworks! 成日諗住話唔睇, 但又真係幾靚既...

好累啦! 終於回程. 原來仲有驚喜, 就係迪士尼列車! 呀仔最鍾意個HANDRAIL, 係米奇頭shape!

好多回憶既一日!