終於搬了 Jan 2019

終於搬了. 終於真的搬了. 買咗樓唔等於搬, 執野搬野要年半, 我地都算係經典. 搬唔到, 非不能也, 只係一隻無形既手係度拉住你, 你唔著力fig開, 就話"哦, 咁再過一陣先囉." 好不容易迫自己, 定一個日子, 非搬不可, 然後, 不知是被動還是主動, 就是有股動力迫你action, 然後, 就搬了. OK, 前事不提, 只要搬到, 就可以了. 搬屋公司遲大到, 過了12:30才到, 4個人, 夾手夾腳, 什麼大櫃呀, 梳化呀, 雪櫃洗衣機, 由舊屋上車, 搬到新居. 衣櫃上唔到樓梯? king size床褥要摺埋? 通通都唔緊要, 最後搬哂就是了. 遇著呢幾日有熱浪, 接近40度, 地上一滴一滴既水原來係工人身上流出嚟! 我地一早雪定好多冰水同汽水, 體諒佢地既辛勤. 5pm, 全部工人完工離開, 比預期早得多! (因為10年前我地搬屋由朝早到夜晚, 係十分痛苦既經歷), 太陽仍高高掛上, 男屋主非常開心, 即刻跳入自家泳池慶祝一番, 洗洗成身臭汗, 同仔女玩下水. 其實今次效率比十年前高得多, 老公功勞很大, 佢預先拆定床, 仲搬咗仔同女兩張床預先安好, 等大家起碼有地方訓先, 其他野可以慢慢執. 十年前, 工人搬完野, 佢砌床砌到半夜! 宜家住咗新屋個幾禮拜, 遇著好多日都好熱, 仔女都好enjoy係自己間房涼住冷氣訓覺(舊屋仔女share房, 又無冷氣). 呀仔之前成日話唔想搬, 又鬧點解要呢個時候搬. 但佢似乎接受, 怎至enjoy咗呢間屋. 早幾日仲約咗2個朋友Dohu同Lawrence嚟屋企play day, 一齊係泳池玩水, 相信係接受呢間屋企, 甚至係少少proud of 呢間屋既表現! 妹妹最見異思遷, 好想自己裝飾間房, 想係邊度掛個鈎, 想邊度舖地下, 完全唔想再望舊屋一眼! 我呢？我平時好離愁別緒, 住間酒店一晚都會唔捨得, 要同間房講拜拜, 影哂相咁. 但對於呢間住咗超過10年既屋, 我竟然無呢個感覺! 回想起當年入住, 我已經覺得佢好舊, 到十家仲惡劣, d窗框爛, 櫃門打開會跌一堆木碎出來. 個衣櫃又舊, 我無心機打理一堆二堆雜物亂放. 廚房櫃成日有曱甴食我既食物, 又有佢地既屎周圍係; 臨走前廚房同廳仲有勁多蟻係度橫行, 睇到我火都嚟埋! 當然最頂唔順的, 係個發霉發到個個怕既浴室, 根本就係好多病既溫床! 呢間屋, 我簡直係討厭, 所以可以離開, 係一件非常好的事! 新屋仲有好處, 係可以步行去shopping ctr, 行去搭巴士, 行路番學! 希望多d機會行路, 減下體重! 新生活, 新開始! 在新屋出發!