呀仔的學業成績

2016年8月25日

我一直都緊張呀仔既學業成績, 成日想知佢係排名唔高既local school讀書, 究竟佢整體成績算係咩水位? 夠唔夠競爭力, 有無機會過幾年入selected school???

佢係香港番嚟無幾耐, 5月就考NAPLAN,  即類似香港的TSA, 係用嚟睇個別學校相對全澳學校大既係咩水平, 但媽媽們又忍唔住用呢個成績嚟比較一下唔同小三仔既成績.

其他媽媽都收到成績, 我仲未收到好心急, 只知Max考得好好, Doug就攞到2科top. 我個仔成績一向好飄忽, 試過好好, 又試過大跌, 我估佢應該同Doug差唔多. 

終於, 係呀仔生日後第二日, 收到啦....

睇O左一輪, 都唔知點解讀! 再睇耐D, 咦, 唔係呀嘛..... 全部5科都攞top!!!!!
我真係唔相信! 佢唔似咁好, 尤其係writing! 我信我自己睇唔明份野, 多過信呀仔考得咁好!

開心過後, 我知呢個成績唔代表太多, 只係少少參考, 但我估亦有少少"符碌"! 但的確對佢嚟緊升學, 係多O左少少信心!

睇嚟, 我地無為O左名校搬屋, 而將資源投放係補習度, 呢個策略暫時係見效! 最開心係, 雖然而家係CS補習係好多功課, 但呀仔都好自動自覺做哂, 亦覺得補習幫到自己, 學得好開心!

(附上之前ICAS result, 只攞credit, 比想像中差點點, 所以暫時都係飄忽的!)