全家Gold Coast之旅 - 第四天

第四天, 行程豐富!

一早起身, 遊船河去捉蟹!
因為之前聽O左講座, 所以以"超抵價"廿蚊一家人去呢個遊船河活動, 包埋基本lunch, 超抵呀!

首先, 坐船去到一個淺水灘捉Yabbies (我諗係龍蝦仔)

用鐵筒插入沙嚟捉, 其實係唔知發生咩事, 無乜料到, 亦好快完結. (但因為咁就要凍天落水換短褲)

跟住就係咁易攞D新鮮生蠔出嚟, 問邊個要(乜唔係人人有咩?) 我當然要O左,都好新鮮!

捉蟹?? 原來係個船夫捉完(或者唔知係邊度攞到)隻蟹, 就輪流俾我地睇下摸下...

之前O個D節目流流地,反而釣魚幾開心

爹爹成日都想帶佢地兩個釣魚, 今次我地都釣到呀! 但要放番落海.

另一節目: 餵塘鵝. 呀仔將一條條生既魚(仲有血既)抛落去, 成班塘鵝爭!

最正既節目: 蟹Lunch!我地加O左少少錢, 食成隻蟹, 的確好鮮味呀!

成個船河, 咁多節目,用O左一個上午. 落船後, 我地就去第三個主題公園: SeaWorld

到達後先睇show

睇企鵝, 睇魚, 其實同海洋公園差唔多...

一蚊餵鴨, 反而個個情緒高漲!

有趣的海獅show

呀俊一家對D動物呀益智野都無乜興趣. 除O左一家四口成日用手機上網睇漫畫外, 就鍾意玩呢D攤位遊戲. 其實佢地覺唔覺得比咁貴入場費有D浪費呢??

魔鬼魚, 個仔好鍾意摸

一隻肥妹手拎起隻真既海星

我覺得SeaWorld最大亮點, 就係有得睇北極熊! 其他大部份野都好海洋公園...

乜原來北極熊唔係係好凍地方咩? 佢間"屋"好似一個溫泉咁, 仲有煙冒起!

其實我地joinO左套票, 本來主題樂園約90蚊一張飛(大小同價), 宜家就90蚊3日內去3個主題落園(但唔包DreamWorld). 我地結果去O左兩個(SeaWorld, MovieWorld), 無去Wet n Wild, 因為冬天.

最後一晚, 去O左Surfers Paradise有名既食街食日本野, 之後沿沙灘行夜市.