哥哥7歲生日

哥哥7歲, 今年無搞生日會, 但係姑姑屋企同成個杜家一齊切蛋糕!

 妹妹送kiss!

再無以前咁大堆頭既禮物啦! 反而仲好, 佢以前唔識得珍惜! 要學"貴精不貴多"!

有玩具啦, 泳衣啦, 背包啦...

 妹妹都有禮物! 娘娘送O左條裙比佢!

 7歲大個仔, 希望學下整理自己既生活, 唔好乜都靠呀媽; 學做個好大哥哥, 唔好成日蝦妹妹; 仲有學習閱讀既樂趣!

everleigh market

2014年8月２３日

睇香港一周刊(!), 見到悉尼有呢個Everleigh Market, 逢星期六開放, 覺得幾有趣, 所以過嚟睇下.　而呢個節目，　亦作為我送俾呀仔７歲既生日禮物！

　　　

呢個Market位於近City的Refren站，　再步行幾分鐘。　佢Ｏ既前身係一個火車站，　所以仲會見到路軌。
　　

聽講話農夫逢星期六會運送最新鮮既食物嚟呢度賣，　所以呢度有唔同既野食，　有蔬果，朱古力，　果汁等。為食仔為食女最開心，　可以試食試飲！

 呢本有機唔知乜乜汁其實幾難飲，　飲到佢地ware哂咀！

我地既lunch係度食burger同埋creep

Market旁有個藝術館，　我地入去坐Ｏ左一陣

行完呢個Market, 出番City, 同仔女去飲杯野，　食個toast做下午茶，　鄉下仔女過一個咁既下午已經好滿足！

夜晚，　去Ｏ左姑姑屋企，　同呀仔切蛋糕慶生日！

Book Character Parade

2014年8月

上年呀仔第一次參加呢個校內活動, 要扮一個書本角色, 我大開眼界, D小朋友(既家長??)同埋老師既創意極高!

上年我地扮Bob The Builder, 今次適逢有頂"高帽", 不如扮Cat in the Hat!

 其實原著頂帽係紅同白色, 又有條尾又多毛毛, 我只係畫下塊面, 同埋整個呔.

班主任Mrs. Acuri(同埋好多其他同學)都係扮Cat in Hat, 但佢地扮得似原著好多!

其他老師, 同學都好花心機!

Parade完, 參觀呀仔班房, 睇到佢一D作品

不過其實呀仔唔係好開心, 佢覺得自己扮得唔似. 我都覺得同其他人比, 我的確比較求其. 下年要花多D心思,功夫(同金錢)去扮野啦~

妹妹開心番Pre-school

係7月頭, 妹妹3歲鬆D開始番pre-school. 估唔到間間pre-school都幾爆, 之前一路waiting list個間(即呀仔以前番個間)無聲氣, 話下年都未必有位, 所以就入O左呢間Montesorri (蒙特梳利) Pre-school.

 呀女逢周一二四番學, 地點係North Parramatta,又要規定8:30AM前一定要番到學校, 搞到我呢幾日一早起身, pack完兩個小朋友既lunch, 拿拿臨湊妹妹番學; 再要好趕咁番上Winston Hills車哥哥番學. 呢個時間有時好塞車, 有幾次趕唔切番要哥哥遲到! :(

不過講番呢間Pre-school, 都幾貴(AUD95蚊一日!!! 仲唔包午餐!) 但感覺上妹妹係度學野幾好, 有D手尾, 佢亦幾適應, 幾開心!

呢日係一個講不同民族既日子, 家長可參觀. 當講到Chinese時, 呀女有得出去幫手!

 適逢呢日係中秋節, 呀女帶O左燈籠去.

第一次戴獅頭, 好excited!

如無意外, 呀女仲會係呢間學校番多一年, 希望佢繼續開心學學玩玩玩!

馬騮愛爬樹

2014年7月

之前睇廣告, 見到呢個Tree Top Adventure好似幾好玩, 係室外地方爬樹, O岩哂個馬騮仔. 本來諗住呢個活動當作呀仔7歲生日禮物.

適逢Janica一家嚟澳洲, 佢約O左佢姑仔Anita同仔仔Jed去. 咁多D人玩開心D嘛, 所以我都跟埋一齊去.

Jed大過呀仔, 讀緊Year2, 不過好多食物敏感, 生得比較細粒. 兩個男仔唔係成日見, 但都幾friend!

 一開始大家裝備好, 戴哂安全帶, 預備出發!

 其實係好安全既環境下, 爬一D唔係好高既樹, 對呀仔呢D O靚仔嚟講,真係幾好玩!

我唔敢比妹妹玩住, 佢都幾悶, 流住兩行鼻涕, 食食跑跑.

 

好, 到高級組. 爹爹同Raymund去挑戰高樹!

 爹爹大呼好玩! 丫, 係喎, 唔記得爹爹先至係猴子既始祖!

 高難度動作, 爹爹當然鍾意挑戰!

玩到咁上下, 呀仔有D悶, 因為新鮮感過O左, 其實都唔係咁挑戰.
反而爹爹再接再勵, 再上O左一個最高級班, 挑戰更高難度! 玩完大呼過癮!!!

玩完一輪, 大班人再去探老爺(搞破壞!)

全家Gold Coast之旅 - 第五天

行程最後一日啦! 呢日無乜Plan節目.
呀仔呀女一早最關心就係睇番尋日遊船河捉到既寄居蟹仔

我地一早去O左行沙灘 - 呢個都係Gold Coast Surfers Paradise最著名既景點.
個仔玩水, 玩到成身濕哂! 要除哂衫褲番酒店!

番到酒店, 把握最後機會, 父子用酒店設施游水

爹爹就係呢個時候驚覺, 乜個仔學O左咁多年游水, 到宜家仲未識得游? 仲係狗仔式???

拜拜酒店!

上機前, 係沿路既一個公園玩. 都幾多野玩!

呀仔起勢踩呢個腳踏單軌車

呀女就鍾意呢個大型跳彈床!

拜拜Gold Coast!

戰利品! 算係我去旅行買得比較多同開心既一次!

幾時再有下一個holiday呢??