課外活動排行榜

呀仔好多課外活動, 有時我都諗, 我係咪怪獸O左D呢?

星期一: 游水

星期二: SWOT Shop (補習/ 學羅輯)

星期四: 畫畫

星期日: 彈琴(上午), 中文(下午)

~ 即係一個禮拜學5樣野!~

我問呀仔, 咁多樣野(連埋平日番學), 佢最鍾意邊樣.

佢答:

第一位: 平日番學! 

番學有人同佢踢波!

第二位: 中文班!!! 

呢個答案好喜出望外! 因為中文功課最多, 相對地最唔好玩! 不過佢連續4次默書100分老師比份小禮物佢, 佢已經有12次100分, 攞過幾份禮物, 好有滿足感!

 

第三位: SWOT Shop
所謂羅輯思維, 其實係玩遊戲, 小朋友梗開心

第四/五位: 音樂同游水
呀仔上O左音樂課一年半, 宜家兩隻手彈琴, D歌我都handle唔到. 難得佢都有心機.
游水就好似慢D, 游O左幾廿年, 都未正式游到水!

第六位: 畫畫
我話, 畫畫排最後, 不如下學期唔好學啦! 呀仔話: 排最後O者, 最係鍾意! 我想繼續學!

學得多野既結果, 係功課有時唔夠時間做, 呀媽做司機好忙, 同埋有時星期日佢爹爹想同佢去街都難!