表哥表嫂一齊玩

2014年6月

呀恩(大姑奶大仔)兩公婆約我地一家食lunch, 原來係去Blaxland Riverside Park.

呢個公園之前去過兩次, 係一個好好既地方比小朋友玩!

呀政(大姑奶細仔)同佢11月結婚既女朋友都一齊玩!

係個Cafe食完lunch, 我地出O左一草地玩吹bubble, 都玩O左好耐!

仲玩埋風箏! (呀女同Polar Bear表哥咁close, 真係第一次!)

仲有個Playgound, 爹爹都玩得好開心!

 

爹地同個女一齊玩, 係特別甜!

 

呀仔話最鍾意呢個大千楸

同埋最最最鍾意呢個.... 唔知叫做乜, 都有D刺激!

妹妹都夠擔玩! 不過彈一彈都嚇親佢!

Vivid sydney 2014

每年5月, 悉尼都會舉行呢個"光影節", 即係市中心同燈整唔同藝術品出嚟. 過往幾年二姑奶同Jessica表姐都有同我地去, 年年都幾凍, 上年影相仲"遮山遮海" (落雨太多傘乜都影唔到)! 今年, 出發前都落雨, 但好彩去到就停雨啦!

出發前食野先! 我覺得呢度食拉面, 好似去O左日本街邊咁!

出發! 今年最特別, 係同埋爹爹一齊去!!!

附近無得泊車, 我地搭巴士去到Wynard, 都仲要行一段路先到Circular Quey

玩啦!

年年都係呢座building投射唔同既畫面

二姑奶都陪我地一齊去, 成日都幫我地拎野同睇住兩個細路!
  


 爹爹帶齊攝影設備去影靚相!

 

 Vivid Sydney牌

 

Opera House一路轉色!

 佢地兩個細路影相時, 有D外人都向住佢地影! 可能覺得佢地可愛卦?? >.<

姑姑買O左呢個轉燈玩具, 兩個小朋友爭餐死!

呢幅活動影畫, 講樹林係四季花開花落, 我都忍唔住係度留低我個剪影(右下角)!

悉尼有的活動就係咁, 又唔係好好睇, 但年年總要去朝聖一下.... 不過有小朋友, 總要參加多D呢的活動!

2014中文朗誦

一年一度中文朗誦比賽!

今年其實諗過好唔好唔參加"個人朗誦", 其實得著唔係好大.

不過老師又揀O左呀仔去"團體朗誦", 既然都要晨早駕車去Strathfield,

咁做2件事, 當然抵過做一件事! 

再加上, 個仔竟然主動話想參加!!! 咁好啦...

同往年一樣, 個人朗誦我都係叫個仔"總之上台講哂要講既內容就得!" 咁佢講哂, 同其他準備充足既小朋友相比, 當然有距離. 無勝出都係意料之內.

到團體朗誦,由於上年攞到亞軍, 今年校方可能都有D期望.

不過rehersal時我都覺得麻麻. 結果三甲不入, 都係好合理既...

 

 

下年唔係好想參加啦, 除非我有心機教佢認真講得好啦!

電話影相真方便

以前, 要帶個重相機出街, 所以有特別活動先影到相.
宜家,隨隨便便都成日影影影....

以前, 好勤力咁隔幾個禮拜就upload一次相機D相,再努力寫blog, 希望我D生活點滴快D比香港屋企人睇到.

宜家, 成日一發生D咩第一時間whatsapp, 寫blog動力少O左.

不過, 我仍然會為呀仔呀女留低美好童年回憶而努力, 推動自己繼續update個blog!

食宵夜

2014年4月

爹爹工作辛苦, 其中一樣令佢開心既活動, 就係同佢好友呀俊去食宵夜, 食海鮮!

由於係宵夜, 已經好夜(好多時係半夜), 佢地兩個都會係車瞓著, 我地就係酒樓"行張床" (併埋幾張椅)比佢地係到瞓. 睇落都幾陰公呢...

 

雖然我都好鍾意食, D野食真係好正! 但我都唔想佢地兩個咁. 宜家都會等school holiday先去, 盡量叫佢地兩個日頭瞓一陣.

又或者, 有時我都唔去, 寧願係屋企享受下唔使煮飯既寧靜時刻.

課外活動排行榜

呀仔好多課外活動, 有時我都諗, 我係咪怪獸O左D呢?

星期一: 游水

星期二: SWOT Shop (補習/ 學羅輯)

星期四: 畫畫

星期日: 彈琴(上午), 中文(下午)

~ 即係一個禮拜學5樣野!~

我問呀仔, 咁多樣野(連埋平日番學), 佢最鍾意邊樣.

佢答:

第一位: 平日番學! 

番學有人同佢踢波!

第二位: 中文班!!! 

呢個答案好喜出望外! 因為中文功課最多, 相對地最唔好玩! 不過佢連續4次默書100分老師比份小禮物佢, 佢已經有12次100分, 攞過幾份禮物, 好有滿足感!

 

第三位: SWOT Shop
所謂羅輯思維, 其實係玩遊戲, 小朋友梗開心

第四/五位: 音樂同游水
呀仔上O左音樂課一年半, 宜家兩隻手彈琴, D歌我都handle唔到. 難得佢都有心機.
游水就好似慢D, 游O左幾廿年, 都未正式游到水!

第六位: 畫畫
我話, 畫畫排最後, 不如下學期唔好學啦! 呀仔話: 排最後O者, 最係鍾意! 我想繼續學!

學得多野既結果, 係功課有時唔夠時間做, 呀媽做司機好忙, 同埋有時星期日佢爹爹想同佢去街都難!