The Making of..... 聖誕樹製作特輯

想買聖誕樹諗左好幾年, 以前就話呀仔太細個; 到上年就話呀女太細個(佢上年歲半), 等大個D唔會搞破壞先買啦!

今年.... 終於買左!

當你以為有D野好複雜時, 原來比想像中簡單得多! 

砌聖誕樹, 我地兩母子合作搞掂!

 

 將散收收既部份按指示插係O岩既位...

再將D樹"猛"開, 成棵樹就好茂盛!

 當你以為有D野好貴時, 原來可以好平!

我成日以為棵樹要澳幣60蚊以上, 點知呢棵高過我既樹標價AUD27, 我比錢時至知原來做緊減價, AUD15咋! 連埋少量裝飾又係減價, 成棵樹只AUD20 (即港幣百零蚊)!

棵樹估計可以用上三五七年,每年攞出嚟砌下親子下, 其實都幾抵~

再加埋穎穎軒軒既聖誕咭, 同埋呀仔同學既聖誕咭, 成棵樹好豐富!

有棵聖誕樹, 屋企氣氛係好D, 佢地兩個都好開心呀!

今年可以名正言順, 將D禮物放係樹下面, 等boxing day拆!