今年年初一, 莫講話無新年活動, 由於呢日係禮拜日,開左學之後既禮拜日其實都好忙.
12:15PM - 開始上音樂班.
諗左好耐, 連二手鋼琴都買左半年, 終於去上呢個Yamaha既音樂班. 呢個班一定要父/母陪住上, 所以要放妹妹係屋企.呢個階段係junior class, 都用幾輕鬆好玩既方法去教 (岩小朋友囉, 我有時都悶到打喊露架!), 有埋CD DVD番屋企聽下睇下. 之前同美國表弟Tim傾過佢話Yamaha OK, 所以雖然時間麻麻地夾, 我都無諗幫襯第二間.
1:15PM 上完音樂堂, 連屋企都未必有時間番, 要即刻番1:45PM 中文學校!
呢日係大年初一,老師叫著住新年衫既小朋友影張大合照. 我地著左紅衫, 都當係啦!
今年係呀仔第三年番中文, 已經叫做一年班 (即係仲高過佢實際既'幼稚園班'!).
今年既老師係陸老師, 我未見過佢, 但見佢個樣好似好悶旦咁, 我見呀仔番學亦無以前朱老師堂咁開心. 我擔心呀仔連少少對中文既興趣都俾個悶旦老師嚇走埋!
今日教寫"我的家", 明明要寫既字已經比以前少好多(以前每個字要寫一大版, 宜家只係各三份一版!), 但呀仔寫個"家"字都好似好唔願咁!
我心思思想同呀仔轉國語班, 一來離開個悶旦老師, 二來呀仔成日都問我國語, 有一定興趣. 三來, 我無意中知幾個家長都轉左, 可能對呀仔好D? 但國語班就要學簡體字, 我又唔係好想....我未諗通呀....
No comments:
Post a Comment