呀仔番左big school 一個禮拜, 呢個禮拜簡直將我地既生活習慣完全大執整! 其實除左係本身番學時間改變之外, 我亦想乘機改正下D唔岩既生活習慣.
宜家每日SET左既時間表如下:
7:45AM 起身, 梳洗,換衫, 食早餐
8:30-8:45AM 出門口
9:00AM 我陪佢陪到學校打鐘, 我就走 (第日佢識朋友仔, 我就唔使陪佢!)
~ 事實係: 呀仔肯早起身, 因為我 train佢每日要叫我起身! 但之後唔肯去刷牙, 有時話訓多陣,有時走去睇書走去玩! 有時"tum tum" 下都唔WORK我就發火! 因為之前番pre-school, 無所謂遲唔遲到, 所以佢仲未識呢D時間觀念. 我明,其實佢都仲未係好鍾意番學, 所以要迫. 我開頭唔想太迫佢, 由佢慢慢嚟, 但後尾佢真係過份, 就要鬧住刷牙出門口!
放學之後時間表:
2:45PM 門口接放學
3:00-4:00 PM 番屋企沖涼食飯(因為佢LUNCH只食塊飽, 驚佢唔飽)
4:00-5:30 PM 坐係佢隔離, 同佢做功課 (暫時無乜功課, 我總之就搵D練習簿俾佢做)
食哂飯, 做哂功課, 有一個鐘頭 Aidan's Time! 即係可以睇電視/ 睇IPAD/ 玩GAME, 由佢決定! 呢個時間我就乘機洗下碗執下屋!
Aidan's Time之後, 我會同佢玩遊戲, 例如捉棋, 做實驗, 玩"決戰一分鐘"等!
8:30 PM Pack away 玩具, 預備訓覺, 講故仔
9:00 PM 佢地訓左覺, 我就自由, 睇下電視, 但結果會中眼訓!
~ 事實係: 呢個時間表仲有好多地方要磿合, 例如妹妹幾時訓? 佢放學有胃口食飯住未? (視乎佢個日食LUNCH 食成點)., 禮拜四要tennis, 禮拜五爹爹放假又如何? 想佢KEEP住個ROUTEIN, 因為咁容易control, 但有時未必咁理想.
(個日諗住搞下新意思同個仔整壽司/飯團, 結果佢覺得唔係好好食, 都係帶番果占三文治番學校. 佢已經食左4日果占三文治都未厭!)
以前呀仔番pre-school 我hea下hea下, 宜家執正嚟做, 其實我都好大壓力, 成日諗D飯餐呀, 時間呀, 點砌埋先至係最GOOD. 真係唔容易呀!
SO FAR呢個禮拜都OK既,最大成就係令呀仔睇少左電視, 因為佢每日會期待Aidan's Time (其實搵佢笨, 由以前睇幾個鐘電視變為一個鐘!包裝下個名堂就呃到佢!)
但代價係我要陪住佢既時間多好多, 例如做功課同玩遊戲, 如果無左我一齊, 佢一定無心機做, 咁我SET既時間表就前功盡癈! 雖然我自己既時間少左, 但呀仔既時間有質素左, 都係值既. (但佢真係要我跟到實, 如果我走左去洗碗, 或者妹妹洗PAT PAT, 佢就真係停哂嚟等我!)
呀仔心聲: 番學麻麻地開心, 暫時無乜朋友, 宜家日日要番學, 我好想成日留係屋企.
呀媽心聲: 日日要諗起碼兩餐, 有時個仔, 個女同個佬食既野又唔係好一樣, 我已經唔會煮俾自己食, 我係食佢地三個剩番既野! 宜家好難夾到個好既"黃金時間"(即係我可以坐係電腦面前做野既時間), 本來佢地早左訓我可以做野, 但每晚佢地兩個一上左床, 我就累到唔想郁, 坐係度睇電視同"釣魚", 睇無幾耐老公又番嚟又要煮野佢食. 嘩, 好忙呀! 同埋, 好擔心今季條數又夠期交啦! 我仲未開工做呀!!! :(
呢個禮拜忙年三十party又忙呀仔開學, 好累, 希望一切快D上軌道, 咁我就可以入埋舖頭條數, 去做gym, 執下屋.....
同場加映: 番學只係幾日, 點解件白色polo shirt 校服已經變灰? 仲起毛頭?
仲有對鞋呀! 番左學三日就咁啦! 鞋頭, 鞋側全部花哂! 幾百蚊對架, 呀仔!!!
