中文學校畢業禮2013

呀仔讀中文學校係高一年, 即係佢係平時學校係幼稚園, 但中文學校就岩岩讀完一年級!

 

上年學詞語, 今年學簡單句子, 例如"春天天氣暖", "汽車走得快"等

過往兩年都有奬攞, 今年呢.. 因為烏龍呀仔係其中一次測驗時"發夢", 拎左張未完成既卷番屋企(??!!)(我都唔係好明點解有咁既事發生!), 拉低哂成績, 所以無獎LU...

不過就參加左個唱歌比賽, 求其唱完, 佢比另一個喊住唱唔到歌既小朋友好, 攞左個亞軍, 叫做都有得上台攞獎!

咁就讀左中文三年啦!功課唔太少, 呀仔亦唔算話勁勁鍾意, 都係香港父母既一D堅持, 唔好一D都唔識中文. 我地會繼續堅持!

Max 6歲生日會

係我班香港媽媽朋友既小朋友中, 呀仔同Max叫做玩得最埋, 比較friend. 12月係Max同佢妹妹Chanelle生日, 我地緊係要去佢個生日會玩下!

但呢日比較忙, 上午8點幾要去呀仔中文學校畢業禮, 緊接住上音樂堂. 

音樂堂之後少少空檔, 臨時決定去同爹爹爺爺飲茶買野. 結果勁勁勁遲先到個party,游水完哂, 小丑表演節目完哂! :(

好彩呢班小朋友, 無道具無節目, 都可以跑跑跳跳玩餐飽, 我先至無咁對呀仔呀女唔住咋!

 

一班天真小朋友真係好可愛! (去片!)

 

除左Max,呀仔話壽星女Channelle都係佢既好朋友!

我遲來既唯一節目係同班媽媽傾計, 當然亦好開心. 主人家Angel勁體貼, 預備好哂D食物比我地邊食邊傾, 成餐晚餐又食又拎!

我亦送左D home-made無花果果JAM俾佢地, 希望大家都過一個甜密聖誕!

2013 Christy家聖誕派對

今年唔係好多聖誕活動, 好彩有Christy邀請我地去佢屋企開party, 有得開心下!

主人家事前講左有個小水池玩, 呀仔呀女帶定泳衣, 玩餐飽!

 但呀仔又開大水喉, 又整D水落主人家個女度,希望佢地無唔開心啦...

 

 本來12月好熱, 但偏偏呢日有D涼, 都怕佢地兩個會凍親

俾呀女著住件袍仔, 希望暖D

玩完水, 食表姐整既朱古力旦糕, 為食妹好enjoy!

仲有藍色既O者O厘!

呢個日本藉男仔Jessie同呀仔差唔多大, 兩個男仔一齊追追追, 一齊食食食!

係呀, 好多野食! 為我既"聖誕節"同"增肥"加上第一個等號!

Party上午10點開始, 下午4點幾開車番屋企, 兩個人仔累透了! 我都勁累!!!

The Making of..... 聖誕樹製作特輯

想買聖誕樹諗左好幾年, 以前就話呀仔太細個; 到上年就話呀女太細個(佢上年歲半), 等大個D唔會搞破壞先買啦!

今年.... 終於買左!

當你以為有D野好複雜時, 原來比想像中簡單得多! 

砌聖誕樹, 我地兩母子合作搞掂!

 

 將散收收既部份按指示插係O岩既位...

再將D樹"猛"開, 成棵樹就好茂盛!

 當你以為有D野好貴時, 原來可以好平!

我成日以為棵樹要澳幣60蚊以上, 點知呢棵高過我既樹標價AUD27, 我比錢時至知原來做緊減價, AUD15咋! 連埋少量裝飾又係減價, 成棵樹只AUD20 (即港幣百零蚊)!

棵樹估計可以用上三五七年,每年攞出嚟砌下親子下, 其實都幾抵~

再加埋穎穎軒軒既聖誕咭, 同埋呀仔同學既聖誕咭, 成棵樹好豐富!

有棵聖誕樹, 屋企氣氛係好D, 佢地兩個都好開心呀!

今年可以名正言順, 將D禮物放係樹下面, 等boxing day拆!

The Making of.... 聖誕咭相片製作特輯

今年想整D有呀仔呀女嘜頭既聖誕咭寄俾香港家人...

下午四五點, 陽光OK, 叫仔女著到紅當當, 出嚟影輯相啦!

(呀女條裙我新買架, 呀仔件衫就係HK街邊貨, 就嚟唔岩著!)

仲要預備道具添! 有聖誕樹仔, 聖誕鹿公仔同埋松果.

都要warm up下, 同佢地玩下, 先至可以影到自然笑既一面!

我鍾意影佢地自然玩既角度, 唔使下下望鏡頭!

呢張相, 影得呀女好肥!

開心到跳起!

其實當日老爺係我屋企住, 佢猛話"入番嚟啦, 因住凍親佢地!" 唉, 無論春夏秋冬, 呢D係老人家口頭襌!

最後整左3款聖誕咭, 但每張都唔可以放太多相

咁唯有係blog放餐飽啦!

見到兩兄妹"工作於娛", 我都影得好開心!

預祝有個好Happy 好Happy, 好似佢地兩個咁Happy 既聖誕!

哥哥過嚟!

嘻嘻.... 妹妹想show d野俾哥哥睇, 哥哥唔啋佢, 佢咪用呢個方法囉!

點都要俾哥哥睇到隔離屋D聖誕燈燈! 唔單止"扯", 仲想"拎"起哥哥個頭!妹妹以為咁樣就可以郁到個人!

睇佢地兩兄妹咁"溝通", 真係覺得好得意!

孤單的機械人

呀仔學校又有節目!

話說美國有個男仔用屋企D紙皮自製左好多創意玩具, 事件引起好大迴響, 世界各地好多小學都鼓勵小朋友好似佢咁引發創意, 搞左個"Day of Play".

學校叫我地都帶D材料番學校, 係Day of Play一齊整玩具!

個仔話要整一個橙色機械人喎! 我同佢準備左D紙盒同埋其他材料, support 佢發揮小宇宙!

我地(其實主要係我)諗到呢個可以係一個玩數學問答遊戲既機械人, 我地寫左幾條算式放係佢個"頭"度, 如果答岩就可以係佢個"肚"度攞張貼紙做禮物.

好啦,構思係我既都唔緊要, 但到落手落腳做時, 呀仔掛住同Jacub玩, 又溝亂哂人地D顏色, 又追來追去, 我就做呀四咁同佢做做做...

到完成作品, 係草地display時, 我見到個機械人俾大風吹倒落地, 呀仔繼續同人追, 無理過! 可憐既機械人.....

咁我都同意整得唔靚, 我由細到大手工都差, 但總算表達到原意!

其他同學仔既作品, 都幾有創意丫!

\

呢日我係嬲住離開呀仔學校! 唉, 其實都係幼稚園生一個人0者, 好心我就唔好咁認真啦!