"學圍棋首先要學禮貎, 無禮貎無人同你捉棋"
估唔到香港之旅剩番兩個禮拜, 臨急同呀仔報捉棋班, 自此成為左呀仔一個好鍾意既活動, 同埋我地一家三口(呀女仲未識!)可以一齊玩一齊討論既活動!
學地上親子堂, 即係我可以旁聽, 老師單對單教授. 佢地用D小朋友說話同輕鬆氣氛, 教識左一D基本技巧. 不過我地2個禮拜上6堂都幾密集, 好彩地點係天后都唔係好遠.
陳老師教既"老虎口", "斷點","提子"等呀仔到一個月既宜家都仲成日講住! 我亦買左D Game 同 CD俾佢, 希望佢返到悉尼繼續玩落去!
有時我跟甩左我都唔明D道理, 但呀仔就玩得頭頭是道, 陳老師都話呀仔好有紋有路!
番到悉尼即刻同爹爹玩左一局, 爹爹都好開心呀仔可以玩到!
No comments:
Post a Comment