病住探Vincent一家

呀女, 我同呀仔相繼疴嘔, 搞到入醫院. 我一日左右好番, 但個仔仲成日話唔舒服. 呢日約左Vincent一家, 本來諗住出街食, Maggie好好諗住我地唔舒服就係屋企煲粥炒面, 等我地三個都舒服D, 真係多謝!

但同個仔出門口都好煩, 猛話頭暈行唔到, 我係咁十五十六諗緊出唔出門口, 結果決定照出, 2條街都搭的士去, 落車之後就抱個仔行丹拿花園出樓. 哈, 明明唔舒服到無力行, 但去到Vincent屋企見到有WII玩, 即刻好精神, "藥"到病除!

其實呢日下午我同Vincent去行旺角灣仔, 買左好多電子產品, 因為我怕唔識買或者買貴, 佢又會知我老公心水. 不過Maggie笑話同我行完之後, Vincent累到番屋企午睡! 下, 唔係行左好多咋喎! 

仲有好耐無見既Villa Gary同埋女女, 佢地送左禮物俾呀女!

Creative Arts

原本只諗住俾呀仔係香港學溜冰同圍棋, Janica介紹話呢間學畫畫好, 咁佢時間地點又就到我每個禮拜既太古城day, 於是就報名,一個月學左四堂.

其實都俾到我驚喜, 我本來以為只係畫下畫咁, 但老師原來會著重creative 同觀察力, 佢地用好多時間同小朋友傾計, 睇下佢地對個別主題平時既觀察, 再係張畫度表達出嚟.

 宜且唔只係畫畫, 仲會用其他表達方式. 好似呢張畫, 其實係中秋節講玉兔同月亮, 老師會講解一D background, 而張畫有會郁既立體部份, 仲用左D煲涼茶既dried herbs貼落張畫, 嚟講解"長生不老"呢個concept! 我平時好少同呀仔畫畫, 呢個課程俾我睇到佢鍾意畫野既一面!

另一張畫係講洗衣機, 佢地預備左好多衫油唔同顏色, 可以放D衫落張洗衣機畫度, 好互動!

我打算番悉尼都繼續俾個仔畫畫!

美食snap shot

同媽咪家姐去羅傑承開既"來路餐廳",著名瑞士汁牛河, 雞亦, 梳芙尼.

 以前係灣仔番工, 鍾意去呢間"金鳳茶餐廳",凍奶茶走冰真係好濃, 個雞批同旦撻亦好好味!

 

同呀仔去太古城Pokka Cafe食好D! 呢個兒童餐有好多野食, 賣相亦吸引! 我本來想叫以前食開個D厚厚多士, 唔知點解宜家無既?

同家人食左餐中秋節飯, 三舅父舅母有個飯後甜品驚喜: 超級拿破倫! 其實我就麻麻地, 但睇落大大碟又幾靚! (不過個日係呀女唔舒服之後既一日, 全餐飯係度嘈, 我要湊住佢都唔係食好多.)

食Buffet

次次番香港想食buffet, 我都係諗君悅, 香格里拉同萬豪. 今次媽咪家姐介紹去海逸君卓, 估唔到食得咁滿足! 

我以為lunch buffet 二百零三百蚊一位好貴, 原來我唔知呢5年物價已經升哂值啦!

未試過係香港buffet食咁多生蠔! 仲有蟹腳, 青口.... 

俾D面呀餅呀女搞, 食到周地都係....

之前同衰仔約法三章, 要食哂乖野先食甜野, 但佢一開始就破戎, 食哂甜野之後乜都食唔落!

同埋佢成日周圍走, 經理走嚟話再係咁要我地離開!

食完呢餐後, 都無再食其他BUFFET. 我番到悉尼會好掛住呢一餐, 因為悉尼既BUFFET質素實在差好遠!

學圍棋

"學圍棋首先要學禮貎, 無禮貎無人同你捉棋"

估唔到香港之旅剩番兩個禮拜, 臨急同呀仔報捉棋班, 自此成為左呀仔一個好鍾意既活動, 同埋我地一家三口(呀女仲未識!)可以一齊玩一齊討論既活動!

學地上親子堂, 即係我可以旁聽, 老師單對單教授. 佢地用D小朋友說話同輕鬆氣氛, 教識左一D基本技巧. 不過我地2個禮拜上6堂都幾密集, 好彩地點係天后都唔係好遠.

陳老師教既"老虎口", "斷點","提子"等呀仔到一個月既宜家都仲成日講住! 我亦買左D Game 同 CD俾佢, 希望佢返到悉尼繼續玩落去!

有時我跟甩左我都唔明D道理, 但呀仔就玩得頭頭是道, 陳老師都話呀仔好有紋有路!

番到悉尼即刻同爹爹玩左一局, 爹爹都好開心呀仔可以玩到!

炸豬扒

爹爹一定會好掛住銅鑼灣世貿既 Tonkichi 炸豬扒, 就等媽媽同Aidan一齊, 幫爹爹食多D!

要磨左D芝麻先...

 我同呀仔share左個炸豬扒大蝦,我食左勁多椰菜!

呀仔其實就唔係勁鍾意食, 只係將D芝麻汁撈飯加少少肉. 呀女都有食喎, 成碗飯俾佢搞, 不知幾滋味!

  姑姐同表姐同呀女合照

嚟張親熱D既!

探親友

我成日驚呀仔番香港要同我見D親友會悶, 好彩結果都OK, 有時手提電話game更加係打開溝通既好橋樑!

呀仔唔記得見過Uncle Evan, 但大家傾得幾投契喎!

入黃埔探呀承一家, 主要係探第一次見面, 約半歲人仔既之之! (仲有佢太太Jenny)

 *******************************************************************************

 同姨媽一家飲茶, 大家為左就我就去左北角碼頭附近間"鳳城" .

姨媽中秋節生日,呀仔都有同佢講生日快樂! (我覺得呢張相影得幾靚喎!)

表姐夫教呀仔認"鳳城酒家"四個字!

好耐無見表哥表姐, 表哥好靜無乜講野.

*******************************************************************************

同成班明報人去打邊爐係每次番香港既指定動作.呢個gathering安排係我到步後幾日, 唔知係咪太耐無同friend傾計, 我係好開心, 好似開左個制咁係咁傾! 

好彩大家都有幫手, 同呀仔呀女玩, 等我可以大吃大喝大傾!

可能呀仔認得Freeman, 所以差唔多全程都同佢玩. 呀女就.... 有個電話俾佢就得架啦!

海洋公園

香港之旅行程到左約一半, 呢日去其中一個重頭戲 - 海洋公園!

話係重頭戲, 因為次次去完都會累得好交關. 今次我地唔大包圍樣樣都去, 而係集中去幾個景點, 希望大家無咁累!

宜家海洋館搬近 門口好多, 一入海洋館就有真海星歡迎我地! 呀仔第一次摸海星, 話硬硬地好似石頭!

估唔到呀女睇魚魚都睇到嘩嘩聲, 同呀仔一樣excited!

呀女同婆婆一齊望上面D魚魚

到熊貓館. 安安佳佳(?)訓哂覺, 無野好睇. 呀女扁咀: 點解唔見哥哥既?

原來呀仔寧願睇兩隻生生猛猛既馬騮! 竟然事後既印像仲深刻過熊貓!

香港真係好熱... 係睇戶外雜技表演時, 姨姨買左雪條. 呀仔呀女心諗: 發達囉!

呢日失望既地方係無纜車搭, 因為遇著三個禮拜定期維修. 我地搭express train上到山, 就去北極同南極探動物. 個兩個館都幾凍!

第一次睇真企鵝, 莫講話兩個細, 連我都好開心!

睇完企鵝呀女同婆婆合照

成個行程最開心係去呢個餐廳, 睇住幾廿隻真企鵝係度游水係度玩, 好難得呀!

我知好累, 但呀仔成日要姨姨抱, 實在好唔岩!

呢張相係香港舊街影, 兩婆孫都好靚!

家庭大合照

兒童遊樂場, 呀女同婆婆坐火車

我唔敢玩既兒童跳樓機, 呀仔話唔驚, 姨姨都話驚!

雖然今次集中玩幾個LOCATION係無咁累, 但都係累! 玩完我地番北角新釗記食晚飯, 就返去呼呼大睡!