5月13日

今年5月13日, 同一日有兩個慶祝：妹妹一歲生日, 同埋母親節！

一早起身, 呀仔有d不情願咁攞咗束花嚟張床同我講母親節快樂 - 原來係老公捉佢起身叫佢咁做, 佢都未訓醒！咁我都開心老公咁有心！

今年老公要番工, 又無乜人約, 我都諗住簡簡單係屋企過算. 不過都去supermarket買個蛋糕吹下蠟燭, 等呀女大個都可以睇番！
 

買咗呢個母親節蛋糕, 諗住「一雞兩味」, 買咗支icing筆係上面寫埋妹妹個名. 但原來要同呢d筆寫字都唔容易！呀仔爭住幫手！

 嘻嘻.... 好醜！(其實主要係我寫, 呀仔話加個太陽加d雲同草喎！)

表哥姐姐睇到我facebook個post, 知道係妹妹生日, 買咗d玩具送俾妹妹, 好有心！

妹妹, sorry你生日無同你大肆慶祝. 希望你精精靈靈, 快高長大！

p.s. 妹妹生日第二日, 表弟仔就出世啦！妹妹一歲就最咗表姐仔啦！