雖然呀仔係英語地方生活, 英文已經好流利, 但都希望佢中文有一定根基.
大約1年前見細佢一年既Brian弟弟係度睇呢本「漢字500」, 可以讀到成句句子, 覺得佢好叻, 當時呀仔只識認幾個中文字！於是叫番hk既二姑奶買呢套書俾我. 點知佢話Janica會寄俾我, 搞下搞下, 終於一年後先收到書！
呢本書真係唔錯, 每日教一個字, 之後教既字又同之前既有聯繫, 話咁快呀仔已經睇完第二本書, 即係識咗40個字！不過當然, 有一部份字佢己經一早識咗, 例如爸、媽、山、馬等. 但有d字對佢嚟講係好新鮮, 例如這、來、也、在等等, 佢無乜concept, 就要花多d時間認字.
哥哥睇書, 破壞王妹妹梗係要睇埋一份！
呀仔依然有番中文學校, 上年學認字, 今年學寫字, 每個禮拜都要做功課, 對呀仔嚟講都有少少係苦差, 我成日要陪住tum住先做得完.
妹妹成日都搞住哥哥寫字, 又玩佢既擦膠, 所以我要一面鼓勵哥哥寫字, 一面阻住個女惡作！
我覺得d字都有少少醜怪！不過老師話佢仲細, 慢慢嚟喎...
No comments:
Post a Comment