哥哥學中文

雖然呀仔係英語地方生活, 英文已經好流利, 但都希望佢中文有一定根基.

大約1年前見細佢一年既Brian弟弟係度睇呢本「漢字500」, 可以讀到成句句子, 覺得佢好叻, 當時呀仔只識認幾個中文字！於是叫番hk既二姑奶買呢套書俾我. 點知佢話Janica會寄俾我, 搞下搞下, 終於一年後先收到書！

 

呢本書真係唔錯, 每日教一個字, 之後教既字又同之前既有聯繫, 話咁快呀仔已經睇完第二本書, 即係識咗40個字！不過當然, 有一部份字佢己經一早識咗, 例如爸、媽、山、馬等.  但有d字對佢嚟講係好新鮮, 例如這、來、也、在等等, 佢無乜concept, 就要花多d時間認字.

哥哥睇書, 破壞王妹妹梗係要睇埋一份！

呀仔依然有番中文學校, 上年學認字, 今年學寫字, 每個禮拜都要做功課, 對呀仔嚟講都有少少係苦差, 我成日要陪住tum住先做得完.

妹妹成日都搞住哥哥寫字, 又玩佢既擦膠, 所以我要一面鼓勵哥哥寫字, 一面阻住個女惡作！
 

我覺得d字都有少少醜怪！不過老師話佢仲細, 慢慢嚟喎...

10-11個月妹妹gallary

妹妹11個月啦！review下d相先... (可能有d已暴過光, 但都重溫下！)

早排呀女既體重唔理想, 我幾唔開心.宜家一日餵足三餐飯,佢睇相都算少少肥嘟嘟吖！

呢個月, 學識拜拜, 仲有請請, 飛吻同拍手, 不過唔係成日肯做, 但「拜拜」呢個動作就應用埋係night night同hello！

哥哥成日蝦呀妹, 搞喊佢, 但又好錫佢！

一齊去Manly沙灘玩, 妹妹第一次踩沙, 好驚！

學李麗珊？

第二次踩沙, 無咁驚lu！

唔見咗哥哥個推車仔, 宜家用個二手既. 但呀女已經開始成日都「逃車」！

Uncle Tim送既靚靚裙, 可惜可能只著到呢次, 因為今年冬天早來了... (呢個表情應該係預備打乞次！)

哥哥當年1歲識唔扶住企, 之後先識行. 但呀女10個零11個月己經識識地行啦！唔扶住可以行最多5步！(背景好多盒呀, 因為呢排想搵番d呀仔衫, 睇下有冇啱呀女著！)

呢個月好怕「生保」人, 尤其我想去做gym時.

陰公, 早排好咳, 又發燒...

做乜咁耐都仲係嗰2隻牙仔？2個月嚟都無進賬！

每次見到兩兄妹玩到卡卡聲, 我就好開心！

重逢表弟

美國表弟馬狄龍Timothy帶學生由芝加哥來悉尼歌劇院表演, 順便探訪我呢個「表姐」. 兩表姐弟, 廿四年(？)再次重逢！

對於呢次見面, 我諗兩個媽媽比我地仲緊張！可能擔心我地交通不便唔知點約, 又怕大家見面時唔知傾乜好. 其實兩個年紀相若年青人, 大家用最舒服既方法約就得啦！

 

我地約係Manly海灘見, 因為Tim住Pittwater, 係一個幾遠既地方, 我同佢最就腳既中間點就係Manly. 不過因為大家都唔熟路, 結果各自係唔同既酒店門口等咗成個鐘！真係浪費！

不過好彩, 大家見面都好開心, 傾下仔女, 傾下家庭, 傾下學音樂, 都傾咗個幾鐘頭！同埋估唔到佢都好識同小朋友玩, 呀仔好鍾意呢個Uncle Tim！

  

Tim太太Natasha買咗d禮物俾仔女, 包括係呢d衫, 同埋dvd. 我都買咗少少禮物俾佢地.

我同佢應該係年紀最close既cousin, 真係應該好close. 希望之後大家都有機會繼續聯絡！

哥哥網球班完結

10堂兒童網球班終於上完. 當初報名係想呀仔多d郁動, 學識一樣運動. 過咗呢2-3個月, 基本上都係一個好經驗！

個網球場離屋企1分鐘車程左右, 按年齡分唔同既班, 呀仔嗰班得佢同另一個大d既女仔, 我諗佢地係最細個嗰班. 其實個導師係叫佢地近矩離將個波打過網, 當然用d輕d既拍, 同埋教佢地正確姿勢.

其實初時呀仔都打得唔係咁好, 成日都miss個波; 但最後兩堂有好明顯既進步, 個導師都同我講話佢打得好好！

不過最緊要, 係呀仔好enjoy成個過程, 番屋企亦會講番正確姿勢！

我本來諗住學10堂tennis, 之後學下其他野; 但如果呀仔打tennis唔錯, 我又會考慮下俾佢繼續學…. 仍然諗緊中！

除咗打波, 呀仔最enjoy... 執波！

呀妹做乜好？食下野啦, 睇下d波飛來飛去啦... (圖為佢架「新」車仔)

開心一天Good Friday

Easter假期, 爹爹日日要開工, 唔通要日日留係屋企？好彩有family gathering, 呀仔呀女過咗好開心既一日！

係Good Friday, 首先同成家人去Strathfield飲茶, 之後姑姑同表姐同我地去咗Marouba Beach玩！

我地帶咗好多工具整sand castle同埋玩水, 呀仔玩到好high！但搞到成身濕哂, 又大風, 驚佢凍親！

今年都無乜太熱過, 成年都無乜點去過沙灘玩(除咗上次去Manly), 所以呀仔係勁開心！(其實大人係度食風都幾悶！)

上次去Manly Beach呀女好怕踩沙, 今日無咁驚lu！

去完沙灘之後去咗個公園玩, 呀女都有落場, 佢都好開心呀！

 

夜晚有family dinner. 呀女由「怕生保」, 到呢晚訓練完之後, 大膽咗喎！

 後記：唔知係咪沙灘大風, 之後呀女就開始咳啦... :(

Easter Hat

呀仔嚟緊放一個禮拜復活節假, 放假前有個Easter Hat Parade, 每個小朋友都要係屋企整頂復活節帽. 但我真係無乜idea, 即係點整？

終於前一晚, 兩母子夾手夾腳用咭紙整咗個冠, 再剪d旦旦, 貼d雞仔, 同埋一對白兔耳仔, 成為我地既Easter Hat!

 

 

我地仲用多出嚟既材料, 整咗另一頂帽俾妹妹添！(不過一放落妹妹個頭佢就拎走！)

 

哥哥, 我地係Easter Bunny, 唔係扮老虎呀！

 

其實我同呀仔都enjoy一齊做親子手功, 只希望我有多d時間可以同佢做多d！

P.S. 表姨姨, Aidan成日都著你件衫架, 呢件衫叫「型仔衫」！