爹爹放假放風箏

終於.... 爹爹放假又大風既日子到咗啦！

呢排有2日都係咁「好日」, 玩咗2次風箏！

呢日, 我地去咗屋企隔離個大草地玩, 真係好大風, 爹爹係度, 個風箏真係飛得好高！

飛飛下... 呀仔甩手, 好似呀仔其中一本書個故事咁, 隻風箏飛走咗！呀仔「ware」一聲咁喊, 爹爹唔想佢失望, 係咁追追追.... 跟住爹爹唔見咗, 成20分鐘都未番嚟！我就用粒糖tum番個仔(做呀媽緊係常備呢d物品！), 但呀仔猛問我：「爹爹去咗邊？」我都唔知點答.

最後, 爹爹番咗嚟, 仲帶埋隻風箏添！爹爹追到好遠, 仲要爬上樹先至救番隻風箏咋！