告別2017

2018年1月

到咗2018，望番2017，原來都發生好多事。

老爺過生。之前已經開始成日出出入入醫院，雖然唔係咩大病，但始終93歲，身體機能可能support唔到。大家有心理準備，但佢既離開始終令人有點傷感。

記得嗰日Benny係what's app group話老爺就嚟唔得，幾個仔女即刻去醫院，我就幫手番工。期間反反覆覆，仔女放學時我地都有去睇，佢都仲有d意識，當時我覺得應該未係的。後來開始意識模糊，4個仔女係老人院連夜留守。後來我老公決定送佢去醫院，等醫生比佢打止痛針之類，等佢走得舒服d。我1點幾接仔女早放學，趕到醫院，無幾耐Janica亦由香港趕到，人齊無耐，老爺就走咗。

第一次，見我老公喊。

之後既7個禮拜有佛教念經儀式，仲有好多儀式，好彩Janica係度打點，同埋coordinate家中各人，一齊順利完成。

⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯

Jessica結婚

一直以來最close的姨㽒，係9月16日結婚，又係另一件全家總動員既大事! 我為咗3個人點裝身亦忙咗一餐。Jessica話想我老公會出席，結果我老公真係安排咗人嚟睇舖，佢星期六晩過嚟飲，實在非常難得！可能係呢個姨㽒女先郁到佢！ （（不過飲完之後我地著哂飲衫番舖頭洗野呢!)

後記：Jess 12月宣報有咗，又多個bb玩啦！

⋯⋯。⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯

買樓

成日話搬話搵樓，等樓價跌等到佢升咗成倍，終於係6月行咗呢不容易既一步。

其實都好彩Janica係度，同我地分析要d乜野，咁啱有人係Facebook po咗間樓出嚟，即管望下又啱心水，

比細訂前都上門睇幾次，思前想後先決定卜搥。我鍾意呢間屋夠多陽光入屋，主人房夠大，同埋都半新唔使執太多。但係，始終唔係全新，執落都唔係少。全番新其中一個bathroom,亦番新呀仔房個窗，冷氣，油油，整櫃

等等。搵師傅裝修亦好痛苦，之前等人嚟quote,已經等一餐，到alan既出現，由painter到同我老公拍住上執大大小小既問題，本來都算順利，點知後期佢成日玩失約，搞到我地人都癲，本來諗住10月會搞掂既野，到我1月番香港都未得！ 我叫佢做「神龍見首不見尾」！個個奇怪我地搞咁耐，我都唔識解釋！
目標，應該係2月會搬到。