萬聖節2016

2016年10月30日

又係小朋友開心既日子! 今年買O左蝙蝠裙比妹妹,一齊trick or treat!

同哥哥同Lucais一齊, 邊行邊食!

 

之前妹妹個同學生日, 有個Halloween birthday party, 妹妹同best friend Esther一齊又食又玩!

中文學校的鼓勵

2016年12月

今年中文學校, 呀仔完成4年級, 呀女完成幼稚園級. 呀仔係班入面考第一(全班4人!), 年尾有獎! (仲有獎學金, 下年學費平一百蚊!)

徐校長同林老師頒獎

  


    

今年有個叫Minister Award, 係由一個部長頒發比考第一既小朋友, 鼓勵佢地繼續學好中文. 雖然我唔知呢個係乜水, 但我估都係一個榮幸.

係澳洲學中文唔係必需,我老公成日都話忙就唔好學. 但難得個仔都算鍾意(or 唔太抗拒), 如果唔學就好可惜. 希望盡量堅持!

同場加映: 中文學校的一角, 一個悶媽媽係度等仔. (由妹妹拍攝!)

dancing little girl

2016年11月

妹妹今年參加dancing class, 比賽過幾次, 我知佢其實好鍾意, 雖然次次都無攞獎, 但我好enjoy睇佢郁手郁腳, 記得哂D steps, 認真個樣!

甜妹妹

為食, 鍾意畫畫, 鍾意唱歌, 鍾意玩, 但有時又無記性. 

同妹妹一齊, 日日都好開心! :)

哥哥與妹妹

2016年11月

 

我成日覺得, 個哥哥唔太錫個妹, 有好野一定自己食, 倒瀉野第一時間指住個妹.

但妹妹亦帶比哥哥好多歡樂!

有一日佢兩個玩緊水, 我問哥哥: 如果妹妹浸親你會唔會救佢? 

哥哥答: 我唔會唔理佢, 我會救, 因為我唔想做single child!!!

出發點係自私的, 但亦證明個妹對佢仲有D價值!!!

追bird bird

2016年11月

星期六, 游完水, 就去探duck duck 同追bird bird!

哥哥游水升左班, 比妹妹游多15分鐘, 所以得妹妹係度.

提外話: 呀女著住呢條裙, 主動同一個唔識既人講: "this dress was bought by my mom's twin sister in Hong Kong!" 好搞笑!

Father son camp out 父子露營

2016年11月

呀仔學校每年都有呢個活動, 比父子係學校露營一晚(Fri to Sat), 增進父子關係. 每年我都唔會理呢個活動, 諗住爹爹都唔會去, 因為星期六一大清早要幫舖頭買貨, 太辛苦. 但今年呀仔好想join, 爹爹愛子心切, 決定今年同佢玩!

 

為左呢個camp, 我地買左個tent,爹爹用左個幾兩個鐘嚟set up!

估唔到都好多人參加, 有成百幾個family!

我同妹妹陪佢地陪到好夜就番屋企.

學校提供熱狗做晚餐, 以及第二朝的早餐

    

活動原意係親子, 但世事點會百份百咁理想?

事實係, 班靚仔唔理個老豆, 夜麻麻係校園玩到癲! 的老豆悶悶地, 就成班飲酒吹水. 爹爹唯有跟住呀仔best friend 韓國仔Eric個呀爸Kelvin傾計. 過半夜翻風, 個老豆又怕個仔凍.... 總之無覺好訓啦!

唔知個老豆下年仲會唔會再中伏呢??!

自製聖誕咭

2016年12月3日

住O左係Winston Hills 8年, 同鄰居關係疏離, 只知隔離屋Priscilla已經住O左好多年.

自從對面屋Tracey一家搬來後, 呀仔就有O左一個好朋友. 原來有個鄰居朋友是非常之好的, 呀仔悶時去對面屋玩, 我繼續留係屋企做野, win-win!

最近Tracey同Priscilla忽然friendO左, 成日乜都一齊. 而我亦因此同Priscilla多O左溝通, 先至知原來呢個鄰居係自己屋企有個workshop做自製咭的.

佢的咭有少少立體, 好多都好creative! 於是決定搵一日去佢個workshop, 比仔女做聖誕咭送比朋友!

 呢款咭其實比較簡單, Priscilla剪好哂D咭, 仔女就貼貼貼, 仲有stamp自己選擇既祝福句. 每張盛惠$1.60.

今次只整少少, 比仔女送比同學.

 呢個idea幾好, 以後可以繼續製咭!

妹妹的聖誕concert

2016年12月9日

仲有1個星期, 妹妹就幼稚園畢業啦! 呢日係學校Xmas concert, 班小朋友sing and dance, 我同爹爹一齊嚟睇你!