2015年12月17及18日
好不容易, 安排一個一家四口的小旅行!
本來兩日一夜的藍山之旅, 應該係上一個學校假期(約9月)出發, 點知舖頭有炒鑊辭職, 請人請O左幾個月, 到12月人手終於叫做穩定, 呢個只係放一日假的旅行先可以成行.
我地選擇留係藍山兩晚, 早一晚爹爹放工去酒店訓O左先, 第二日可以一早出動. 結果到達時已經係4AM! 好彩兩個小朋友都合作, 起身自己行去酒店房.
第一日起身, 同妹妹落樓留食個自助早餐! 哥哥唔肯起身, 無得食LU!
野食唔算多, 有齊機本既旦, 腸, 茄汁豆, 果汁, 生果等. 妹妹好欣賞個多士機, 睇住D飽變色!
係酒店買O左個Explorer Bus Pass, 呢兩日可以任搭巴士. 連同Scenic World 全家一日pass, 共$180.
Scenic World 係有三種交通工具比遊客方便欣賞藍山, 分別係Skyway, Railway, 同埋Cableway.
10:45am 出發, 第一站: 搭Skyway!
短短約2分鐘"車程", 全程企位, 但車箱可以容納好多遊客. 比較有特色係中間部份地板係透明, 好似360既水晶車箱咁, 從高處睇哂山景. 哥哥妹妹依然覺得好新奇!
可能有好多遊客會選擇坐哂3種cable car就走得. 我們這一家係呢個行程就安排O左好多bush walk (行山), 唔係一個舒服trip, 但係一個健康trip!
有對無聊父子成日想扮Laughing哥單手爬山 , 但就比背景圖出賣哂佢地雙腳站地!
第二種交通工具叫Railway, 號稱"全球最斜鐵路". 搭之前其實我都幾驚, 反而妹妹就好興奮! 結果..... 真係好斜! 但幾刺激幾好玩! 我地都搭O左四/ 五轉!
2分鐘由山頂到山腳, 中間有地方係全黑山洞, 呢張相約莫可以見到比較斜的一段路軌.
由Railway行去搭Cableway 一段路, 可以睇到以前既人係藍山採礦既點滴.
Lunch time! 望住藍山著名既Three Sisters同埋Skyway食個三文治(約$60), 天朗氣清又唔算太熱, 幾正呢!
行O左咁多路, 食完lunch"恰一恰"先! 亦都係好好既親子時間!
補充完體力, 搭番Railway再落過去, 搵條親子行山徑行過, 吸收大自然正能量!
沿路見到有趣既樹木, 又或者遠遠見到瀑布. 呀仔帶O左個相機, 我叫佢想影乜就影乜.
妹妹堅持要背住個靚靚袋行山! 本來無推車仔有D擔心, 好彩佢都好合作, 行得好好! (我好鍾意睇住佢行山既背影!)
結果, 來來回回我地搭O左每種cable cars起碼4次! 呢個1 day pass抵番哂啦!
行飽啦, 係時候番歸! 我地搭O左最後一班巴士, 司機Jimmy 話既然無乜遊客, 就比我地"包車" 載我地周圍睇下! (圖為"Narrow Neck Lookout)
晚飯係酒店附近Savoury(約$70), 美味的牛扒, 魚及意粉! 晚上無乜活動, 乖乖地番酒店. 好彩帶O左D遊戲比仔女玩, 都好enjoy!
第二朝, 我6點起身訓唔番, 好難先等到8點早餐時間, 呢朝輪到呀仔起身陪我食, 呀女一直訓唔肯起身, 我都知佢missO左個早餐時間肯定起身會唔開心架啦!
呀仔呀女一樣, 好欣賞呢個早餐! 呢朝仲有D好甜既哈密瓜, 我食O左好多!
出發前先check out酒店! 呢間酒店sell "古舊", D窗花同樓梯等真係好有"特色". 我本人就怕怕地住呢種酒店, 但O岩O岩有兩日優惠所以揀呢間 Metropole. 本來驚仔女會失望, 因為佢地住過的都係乾乾淨淨; 點知佢地話唔捨得呢間酒店, 會好Miss!!! 最miss係呢張碌架床! 小朋友既野, 真係估佢地唔到!
第一站落車, 行去Katoomba Falls. (Furber steps, Prince Henry Cliff walk, )
呢度應該係Katoomba Cascades. 一見到水我地當然開心, 呀仔亦一馬當先去玩! 但無幾耐又見佢嬲爆爆, 似乎係玩濕O左對袜同鞋所以唔開心! 我又怕重無帶spare衫, 佢之後就一路著住對濕鞋行山!
再行O左好耐, 呢度應該係Katoomba Falls, 真係好靚架! 我地停係呢度Picnic. 呢度有圍欄唔比入, 但我地靜靜雞入O左去掂D水!
最後行番去Scenic World, 全程約2小時, 呢日天氣比較熱, 妹妹有時都要扭抱! 不過我地都好叻叻! 完成行程後爹爹賞小朋友食雪糕!
呢日比前一日熱, 徧徧遇著呢架無冷氣既巴士, 司機要用冰吹風, 但乘客就熱餐死!
原本諗住都行夠, 之後主要坐巴士, 去Echo Point最清楚睇Three Sisters既景點; 點知理解錯誤, 係Honeymoon Lookout落O左車, 原來係另一條山路行40分鐘到Echo Point! 下, 又行! 仲要係指示唔太清楚, 我地一路行都驚會唔會行錯方向. 好彩爹爹既方向感一向都好強!
比想像中順利, 我地到O左Giant Stairway, 可以行120級梯去摸其中一個sister!
我覺得呢個係去藍山必到景點! 好彩無miss 到!
當時已差不多黃昏, 想趕去搭最後一班巴士走, 點知匆忙間跌O左部相機落地, 鏡頭爛O左! 搞到爹爹勁心痛!
結果搭O左普通巴士, 番酒店攞車, 再駕車去Echo Point. 呢個view睇Three Sisters真係最清楚! 好可惜, 當時相機已爛, 我部電話亦無乜電; 再加上哥哥唔知發咩脾氣, 令我唔可以係呢個行程結束前好好咁影幾張靚相, 有少少可惜.
另一可惜係, 我地無去到幾個景點, 包括 chocolate factory, tea pot factory, toys factory等, 雖然應該唔係好靚好必去, 但始終係一個景點, 可以到此一遊會更好.
晚飯於Samuel介紹的Rosewood Cottage, 未試過去一個cottage食野, 都係比較古舊, 都幾有特色, 羊扒唔錯! (約$90)
2日之旅結束. 一個開心的家庭之旅!
