2014年12月22日
我承諾, 幾廿歲人為個仔去學新野....
我承諾, 幾廿歲人為個仔去學新野....
呢句係抄香港一個奶粉廣告既口號, 但我又覺得同呢個活動幾貼切.
呢日既重點, 唔係我係暑假帶個仔溜冰, 而係, 我同佢一齊溜!!!
我上一次溜冰, 印像中係十八九歲時, 青春少艾同幾個係傑出學生協會識既朋友, 一齊去太古城玩, 全程都要扶住, 個過程應該幾驚險.
相隔廿年, 發覺有時"現實"係無"想像"咁恐怖! OK易上手喎! 今次, 我扶住行一個圈, 再唔扶住, 沿邊行一個圈, 就大概可以周圍行. 雖然只係"行", 對我嚟講已經好好. 呀仔都有笑我太慢!
今次約埋呀Kay同Phoebe. Kay想Phoebe練習下平衡力. 初時Phoebe都驚, 但後尾同呀仔玩一陣, 越來越適應.
呢日係呀仔開始放暑假, 而呀女就仲要番學, 所以我先可以free出嚟. 呀仔講定, 話番香港要再溜冰! 應該可以既....
