我的生日2014

講番3月自己生日既事...

今年生日, 又係星期五! 以往自己搵節目, 今年老公係度, 反而自由度無咁大!

好,睇下我唔提, 你記唔記得係我生日先!

全日都係做D星期五會做既野: 訓到好晚, 買雜貨, 接完仔放學之後, 去老人院探老爺.

On the way, 已經係黃昏, 我忍唔住問: 你記唔記得今日幾多號?

老公好醒咁話: 21! <-- 呢下佢先醒起!

唉, 越少期望, 越少失望, 我都唔係太驚訝.

我叫呀仔整條loom band手帶比我做禮物. 呢份禮物, 係要我主動要求先至有! 

但都係呀仔親手做既禮物, 第一次, 我會好好留念!

晚飯時間, 老公都係無idea食乜. 呢間都係我提出既!

當年我第一次O岩O岩發現有左, 我自己就走左去德新街間Outback度坐嚟冷靜下.

今日, 就一家大細去.

叫左個咋洋葱, 成個洋葱上, 不過仔女都麻麻欣賞.

食得開心個餐, 就係仔女食得開心!

好彩臨尾都叫做有D慶祝! 如果唔係我會一直面黑架!

安息吧, 婆婆

婆婆上星期係屋企嘔血入醫院, 經過一輪診治, 

係香港時間今朝零凌晨零時十分與世長辭.

 同婆婆唔算好親近, 上一次見佢係2012年番香港, 佢精神好好, 胃口應該亦唔錯.

坐O左係輪椅多年, 日常都唔會出街.

佢見到我個對女都幾開心.

99歲, 身體機能都變差, 如果經歷病痛時間唔算好長, 亦係昏迷中去世,

都算係一種幸福.

安息吧.

師奶的夢

今朝發O左個好夢, 竟然發到唔願醒, 過O西時間起身, 搞到個仔差D遲到!!!

個夢係咁既....

我發夢自己執緊行理, 因為就嚟要上飛機. 一路諗仲有咩濕碎野未執呢?

'呀, headphone,之前download哂D中文歌, 到時一個人悶悶地可以聽"仍是老地方"!'

'係喎, 未帶charger, 咁電話無電乜都做唔到啦!'

'丫, 仲有要放咩係車呢?....'

呀仔好乖, 仲幫我一齊執行理添!

原來, 係個夢入面, 我就嚟出發, 去意大利遊學2個禮拜!

 

一路諗一路好開心!

唔發呢個夢, 都醒唔起我以前都係做呢行, 係Aspect幫D人去唔同國家遊學, 其實要出發好easy, 求其揀個國家, 住係homestay, 周末去下d one-day tour, 諗起都開心!

可能, 係我尋晚無意中睇O左少少"M Club", 見到D女人結O左婚就無O左自己, 乜都要以家庭做出發點, 有感而發, 所以夜有所夢??

但番番現實, 仔女咁細個, 點會咁luxury可以自己走? 

尋日先病哂係張床上面, 想係床好好瞓一日, 乜都唔理既權利都無, 

何況係一個假期??

不過, 發完呢個好夢, 我有O左呢個目標,

希望係不久將來(例如10年後?), 可以達成夢想!

我的小草蜢

呀仔係後園發現O左隻草蜢...

愛不釋手! 佢想留住雙小動物, 我俾個樽佢keep住, 再整D洞俾佢透氣.

將隻小動物搞來搞去, 搞埋上頭!

學爹爹話齋, 係係澳洲生活, 小朋友先有機會隨時捉隻草蜢係度玩!

隻草蜢既結局係點? 爹爹話留佢係個樽會焗死餓死佢, 所以.... 放走O左佢LU!

情人節"大"餐

5月先嚟講番情人情....


今年情人節, 又係星期五! 好難得一家人出街食飯!
 

個晚去O左探老爺, 之後係Baulkham Hills食泰國野. 飯後有"心心糖"送, 叫做有D情人節氣氛啦!

其實之前一晚老公做完野番嚟已經好夜, 我已經預備O左情人節消夜:


Frozen龍蝦用蒜蓉上湯煮下, 燴O左D伊面. 另外係蒸飽魚仔.

老公comment: 係食過最唔好食既龍蝦! ;P

Anica's birthday party

點解今年呀仔升一年班, 反而少O左同學仔生日party? 唔通係我太唔social, 佢地無邀請我??

Anyway, 呀仔參加O左上年個同學Anica生日會.

主人家請O左隻"米妮"嚟玩遊戲搞氣氛

呀仔玩得好好好開心!





呀女呢.... 主人家有個大彈床, 又有個"樹屋", 呀女有排玩!

星期日通常好忙, 又學音樂又番中文, 但我又唔想miss呢個生日會, 特登同呀仔就D時間, 又要早走. 但見佢地兩個玩得開心, 就下又何妨呢?!