做O左悉尼人咁耐, 連Opera House呢個地標都未去過??!!
其實呀仔細個有去過, 印像中應該係婆婆嚟悉尼時(即係好耐好耐之前!)今次放暑假我地再嚟一次, 等呀仔近距離接觸一下歌劇院!
坐完火車之後既第一站: 係歌劇院下面條長梯食麥當勞lunch! 呀仔覺得好新鮮, 好好玩! 我相信呢個經驗對佢嚟講仲好過去大餐廳開餐!
食飽就上去行下! 原來可以遠望到Harbour Bridge, 仲有呀仔想去既Lunar Park!
大個仔, 開始影相擺"舖士"! 呀仔想show下佢隻新手錶喎!
我地都入O左歌劇院行一轉, 買O左支鉛筆做紀念品! (AU$6! 我好濶佬架啦!)
"哥哥, 你睇下!"
兩個小朋友手拖手行條樓梯, 好溫馨!
(去片!)
去得Opera House, 我之前都做定D資料搜集. 知道有個Lego Wall, 都有排隊去玩.
免費入場, 每批小朋友入去砌20分鐘, 呀仔都係亂砌一餐. 我諗唔算好好玩.
呀女太細個, 係附近俾小小朋友玩既area砌砌砌!
另外有個Taronga Zoomobile, 有隻野生動物俾佢地模下...
中場休息, 我買O左包爆谷俾呀仔歎, 呀女就玩沙.
好啦, 到是日重頭戲. 其實我無意中睇香港既新聞(!), 知道有呢個叫Exxpolis既大型吹氣藝術體係度, 咪貪得意同仔女入去行下囉!
都好貴, 3個人入場用O左50幾蚊澳幣! 呀女都要俾全費! 算啦, 返正暑假無去旅行,50幾蚊都照俾啦....
其實係一個充氣, 充滿唔同色彩既... 好似隧道咁, 有唔同顏色區.
例如呢個係紅區同藍區交界, 就影到呀仔鴛鴦面!
俾O左咁貴錢, 梗係係咁碌來碌去玩玩玩影影影!
好少影三人照, 呢張真係要好好留念!
拜拜Opera House,希望快D再嚟探你!
P.S. 悉尼街邊,尤其遊客區, 好多呢D扮石雕既"街頭藝人" 呢個人睇嚟無乜特別, 但睇真D原來佢坐住無影櫈! 仲要由我地出發去Opera House, 到回程都仲見到佢! 賺我地一個幾毫真係唔容易呀!
