戲玉嚟啦.... 第一次正式同呀仔organize一個生日會!
上年已經諗住搞, 因為我覺得小朋友點都要搞過下生日會, 第日有D回憶. 咁呀仔唔係剩番好多年做"小朋友"架啦.... 不過上年後尾決定番香港, 太多野要準備, 無時間搞.
今年, 適逢呀仔有2個同學都係8月搞生日會, 呀仔好似都好想咁, 我都諗左好多, 好啦搞啦.
我諗左好多方案: 網球場生日會丫, 我諗D媽媽都想小朋友有呢D有益身心活動. 不過地點一定要室外(落雨就大大鑊!), 同埋我聯絡過幾個機構, 都話只會包教練, 唔包飲食, 咁我就會勁勁勁忙!
麥當奴丫, 細個一定會恨要一個麥記生日會! 約$13一位小朋友, 有姐姐帶住你玩, 有小禮物, 有小食, 總之佢地乜都搞哂, 唔使我忙!
到我差唔多confirm時,無意中知道呢度保齡球場生日會, 比我想像中平喎, $20一位小朋友, 包既野玩(每人一局20球保齡), 野食, 禮物包都好OK, 即刻落訂卜鎚! (好彩改變主意, 事後我問呀仔麥記生日會好唔好, 佢話"下, just playground咋!" 有得比, 梗係保齡好玩好多!)
約咩人好呢? 我自私D, 想約自己相熟既媽媽frind同佢地D仔女, 但事實係呀仔同佢地其實唔係好熟! 不過媽媽既主觀願望, 都想呢班講中文既小朋友可以係呀仔既life long friend, 同埋我可以同D媽媽傾計嘛!
Rita對仔女Rachael同Roger
Brian弟弟第一次保齡好開心!
Jennifer只帶左Doug Doug嚟, 同呀仔隔一日生日既 Nic Nic哥哥要上堂嚟唔到.
仲有Max & Chanelle, 同埋Maurice.
咁我問呀仔想約咩朋友仔, 佢成日都係要佢個best friend Jakub, 另外仲有個女仔同學Anika.
不過呢.... 我估Jakub未必參加過好多個生日會, 當人人都送禮物嚟時, 佢地竟然兩手空空! 咁我又唔係咁恨份禮物, 只不過諗究竟呀仔呢個best friend係咪"鄉下仔"一名?!!
其實成個生日會入面,呀仔眼裏只有Jakub(藍色衫長頭髮男仔),碌齡一齊, 玩其他遊戲一齊, 食野一齊....
話說禮物包入面包左2個金幣, 小朋友可以係度玩(好似冒險樂園咁)! 小朋友都好開心!
呀女著左靚裙裙, 背對昆虫翼, 滿場飛! (其實佢都有D悶, 因為佢玩唔到保齡, 我又捉住佢唔好掂呢樣唔好搞個樣, 好彩佢有部舊相機周圍影相做小記者!)
雖然俾左錢搞呢個Party, 但其實我都幾累. 最累係成日要捉妹妹, 因為得我一個人睇住個場(D人兩公婆一齊招呼人會好好多!), 睇住D賓客, 睇住2個細路. 除左接待小朋友, 我都想D家長無咁悶, 我orderk左D食物同飲品俾佢地. 出出入入都累架, 成日要其他媽媽幫我手睇住個女!
俾小朋友既保齡, 其實兩邊"坑"位都封左,仲有條"輔助梯"幫佢地碌個重波, 所以都係得啖笑! 呀仔成日玩到"之"字形咁, 成績都.... 好麻麻!
大約玩左個零鐘, 就到食野時間! 安排左熱狗, 麥樂雞, 薯條(係澳洲呢樣野係一定有!), 仲有lemonade.
俾多$20有雪糕蛋糕, 只夠小朋友食, 但我食過幾好味喎!
本來朝早呀Kay打嚟話唔舒服嚟唔到, 點知到Party尾昇時佢突然出現, 原來Phoebe妹妹知道嚟唔到好唔開心, 所以Kay唔舒服都車佢嚟! 真係難得呀!
原本諗主使唔使幫佢地安排食物同禮物包呢? 好彩佢地派多左禮物包, 又有野食剩, 等Phoebe 妹妹都可以開心下!
雪糕蛋糕咁好味, 呀媽姓乜都唔知啦!
事後媽媽們普遍都覺得佢地同D小朋友都好開心, 咁呢個係搞手最想見到既情景. 不過下年未必再搞啦, 都使左幾百蚊澳幣架!
