Victoria妹妹的生日派對

好耐無參加過小朋友生日會, 好開心可以帶呀仔呀女去Victoria妹妹既生日party, 順便參觀Auntie Kitty既新屋.

爹爹都有去!

呢日另一媽媽Makiko充當攝影師, D相都幾靚丫!

好多美食, 我食左好多煙三文魚....

個女梗係Like呢D紙傘啦!

人地個電視機開住Octonaunts,呀仔係電視機前面唔想郁!

婆婆話呀女要玩"煮飯仔", 佢見到人地屋企煮飯仔又真係好有興趣噃...

波波, 永遠吸引小朋友!

哥哥個樣大個左, 無左可愛, 多左D成熟!

呀女對人地個2歲輕氣球眼甘甘, 係呢張相無幾耐呀仔同呀女就開始搶波戰, 係人地屋企大叫, 真失禮!

佢地個新屋好大呀! 除左玩煮飯仔, 又有泥膠玩, 仲有好多...

Jessica表姐同Auntie Kitty一家關係好, 一早去左幫手啦! (2個"妹妹"都笑得好甜!)

可能呀仔到左走, 都未係好知邊個係壽星女! 但係人地屋企有得玩有得食梗開心! 

佢為左呢個party無番一堂音樂班, 佢本來想再留耐D添呀! 但趕住番中文班, 唔走唔得啦!

2歲妹妹一二事(三)

 繼續講妹妹.....

~ 講野慢

有時係街見到D兩歲小朋友已經可以講D句子, 但點解我個女只係講單丁字? 但相比起兩歲前, 佢講既字已經多左好多! 但醫生話佢聽得明, 同埋肯講(佢都好肯表達!), 咁都OK喎.

佢初初識講既, 除左媽媽, 爹爹同哥哥之外, 如果我地問佢野, 再整多句: "係咪真架?", 佢就會答"Yes!"

呢幾個禮拜"終於"講"妹妹"!!!!! 逢親有咩想要, 有咩得唔到唔開心, 佢就會講"妹妹呀... 妹妹呀..."!

佢想要D野, 我要佢講"Please", 佢就講"Bis... Bis..."! 

 

俾佢食野, 佢會講"多D"!
(影呢張相時佢其實發左幾日燒要睇醫生, 所以我比定一大杯野佢飲, 費事燒緊個時佢唔肯飲水!)

俾玩具佢玩, 佢話"Doys" (其實應該讀"Toys"!)

最搞笑, 係同佢訓覺時, 放佢落床, 我有時會摸下佢個頭講night night. 佢會話"走丫走丫!" 仲會撥開我!嘿!我唔捨得你, 你仲趕我走!

(以下片斷係好黑同好細聲, 要較大聲D先聽到!)

仲有講"知道", 沖涼時係要個"盤! 盤!", 哥哥刷牙佢又要刷, 係咁講"牙! 牙!", 仲有"bird bird", "咩咩", "豬豬", "馬馬". 當然仲有佢最鍾意, 個個禮拜六都去湖邊餵飽飽既"吉吉" (其實佢想講"duck duck"!)

~幫手

都好熱心去幫手, 例如同我掠衫, 攞紙巾俾我等, 叫佢"放個碗去廚房, 同埋放支筆去哥哥枱" 佢都可以做到!

~ 粗魯

買左包蘋果番嚟, 轉個頭 -  四散係地, 仲要每個都被咬過!!!

唔知係咪哥哥成日蝦佢, 所以佢都鍾意打人! 有時係街發脾氣, 都幾"LONG黎", 好難收科!

------------------------------------------------------------------------------------------------------

用左都幾長時間寫呢篇Blog, 因為成日想寫呢個妹妹2歲成長summary, 但太多野想講, 亦成日有變化, 結果幾個月前開始, 到今日先完結到.

雖然無好似哥哥咁, 每個成長階段我都寫篇Blog,  但呢篇都係妹妹2歲既珍貴回憶!

希望妹妹繼續活活潑潑, 健健康康!

2歲妹妹一二事(二)

繼續講番2歲既妹妹...

~ 乜都自己做

好早已經要自己食飯, 唔使我餵. 我有時寧願佢俾我餵, 唔俾機會佢揀野食, 亦唔好搞到周圍污糟哂!

 

搽cream cream 一定要自己搽! (著Dora褲, Hello Kitty拖鞋)

呢日見佢唔知搞乜野......

跟住見佢個頭"立"哂, 頭髮一PAT PAT....

 原來, 個儍妹學佢老豆每日Jel頭, 佢就攞我地支body lotion 嚟搽係個頭度!

 覺得自己靚左, 幾開心!

 見我剪指甲, 佢又要自己剪, 咁當然剪唔到啦! (呢張相幾個月前影架啦, 所以仲著夏天衫)　

(待續....)

2歲妹妹一二事(一)

2歲大既妹妹, 都幾得意! 有時可可愛愛, 有時粗粗魯魯! 

等我總結一下呢位小妹妹既生活先... 

其實呢個小妹妹都唔難湊, 食同訓都唔算話特別頭痛, 當然亦唔係百份百順利啦.

- 講食野佢食量OK, 又肯自己食, 只係個別食物如蛋, 香蕉, 牛油果就成日都唔肯食, 好彩蛋如果我花D心思, 有時佢都會肯.

- 講訓佢都幾乖, 大部份時間放落床佢會自己訓, 亦好少話半夜醒. 諗番佢一歲前要不斷半夜起身餵人奶都幾煩! 好彩大個左無呢個煩惱!

- 佢都算係一個開心既小朋友! 不過係炆D, 粗魯D, 可能因為佢日日都比哥哥蝦, 所以都唔可以太林善!

~ 肉地 

以前怕佢under weight, 宜家佢係growth chart既中間線, 有超過12KG, 高度就偏高少少. 佢睇落都幾好肉地丫! 唔想佢太肥似媽媽啦...

 

~ 貪靚

明明呀媽都唔係貪靚人, 點解妹妹越大個越貪靚? 

至愛既Hello Kitty背包, 成日都要咩住出街

  其實係姑姐送既聖誕禮物. 有小朋友既人, 買禮物的確幾"中"!

佢叫個袋做"喵喵", 一知道出街就背住, 上左car seat明明好"硬"住背, 但點都唔肯除!

係街見Hello Kitty公仔, 佢又會好憐惜咁攬住! 我諗我細個無咁樣...

無刻意剪頭髮, 但so far 頭髮都唔長. 紥唔到辮, 唯有夾夾. 成日都話要"靚靚", 跟住就會好開心咁去照鏡!

 仲有呢對雨鞋, 佢叫"姐姐鞋", 因為上面有公主係度(女仔真係天生鍾意呢D公主野!). 佢成日都想著, 我話"要落雨先准著!" 咁佢就等到有兩滴雨時, 就係咁叫"姐姐, 姐姐!" 試過出街著, 因為我買大左少少, 其實會成日甩, 有時又差D跌! 所以多數都係著嚟係後園玩算! 

仲有呢件衫, 有Dora公仔, 又係佢另一favourite! 成日叫"哥丫哥丫" (即"Do-ra"!)

印象中哥哥細個好似無咁緊張"靚"呢D野, 可能男仔同女仔真係唔同D!

(待續)

哥哥妹妹畫畫畫

自從呀仔係香港學過畫畫, 我發現左呢個平時無乜俾個仔接觸既興趣. 本來想佢係呢邊都學下畫畫, 但好似已經學緊好多野, 又唔想佢太多野學....

今日, 呀仔話想畫畫, 難得佢提出唔係"睇電視"既要求, 我即刻應承! 攞齊哂D"架生", 一齊畫畫畫!

好多"架生"都係香港買, 包括件"圍裙",  顏色碟等. 而成大盒顏色係爹爹成年前買, 但好少用. 仲有, 我地唔使買畫簿, 屋企有大把過期月曆, 又厚又大張, 岩用!

 我叫呀仔先諗下想畫乜先. 以我認識既佢, 都係"大筆一揮"亂畫一通. 但今次唔係喎, 係由一塊草地同花開始!

放心, 呢D場合妹妹一定唔會執輸, 哥哥要畫佢點會唔插手? 好好好, 開兩份, 兩個一齊畫!

妹妹一出手, 就好明顯更加印証到佢係"左撇子"! 

我本身好少俾佢地畫畫, 因為好dirty. 但有時唔理得咁多, 唔通怕呢樣個樣,  呃殺佢地玩同學習既機會咩?

大作完成, 呀仔話自己畫得好靚!

我點頭俾佢地畫畫, 結果係呢個零鐘入面我全程做"呀四", 又要同公子"擠"水彩, 又要同"小姐"溝顏色, 係咁換紙, 等佢雙手唔好掂到D未乾既水彩(但結果件衫都係七彩哂!). 仲要勁驚佢地倒瀉用嚟洗筆既水.... 但難得兩個都勁enjoy, 都值得既!

好鍾意番學!

呀仔番學好開心! 

呀仔好鍾意學英文生字! 番左學4個月, 佢由完全唔識睇字, 到宜家識得讀D簡單既書!

 

呢個學期開始日日要睇本書, 增加佢地既字庫. 同埋佢地要識讀呢D字咭, 然後不斷進級!

雖然每個禮拜都有D功課, 但可能仍然係幼稚園關係, 都唔難應付. 例如叫佢地用Jolley Phonics 寫下相關生字, 寫英文大細楷, 試下串D字, 甚至叫佢地寫下D Silly sentence咁!

我地細個學英文由26個字母學起; 但呀仔就係由Phonics學起, 即係英語併音,  例如P係發Pa Pa 音, Ai 係發好似 A 音咁! 唔知香港係咪都係咁學?

隔個禮拜五有個assembly, 有時由佢地主持, 要上台講野.

紅色衫係呀仔班主任Mrs. Whittingham, 我覺得佢幾好!

每一季有一次戶外旅行, 平日間唔中又會設D主題, 叫佢地著特別衫番學!

今次既主題係: 要佢地代表一個英文字. 佢呢身打扮, 係想表達"C-car"或者"R-racing car"! (其實係我唔想買新野, 屋企有呢個就手...)

有時連老師都扮埋一份!

 

仲有仲有, 學校為左鼓勵佢地做好野, 每逢做一次好野(例如helpful to others), 又或者有D野表現得好(例如唱歌唱得好, 畫畫好等), 就可以有一張Merit, 儲齊10個Merit就會有証書一張! 呀仔so far有5個Merit, 主要係讀英文呀, 唱下歌咁. 呢D鼓勵對佢地嚟講幾好!

***********************************************************************

呀仔就開心囉, 我就日日晨早起身pack lunch真係幾煩, 仲要衰仔呢排日日都食剩哂, 估計佢係想留多D時間玩, 就犧牲左我既食物! :( 

我問呀仔, 最鍾意我整邊樣lunch?希望只整佢會食既,唔好浪費我時間!

原來最LIKE係最花功夫既"碎茄蛋三文治"! 呀仔你真識食呀....
第二位: 我去Parramatta買既腸仔包, 同埋老公舖頭攞番嚟既點心(鬼佬點心係巨型版既燒賣, 俾三粒佢帶番學!) 呢兩樣最少功夫!

我問呀仔: 帶飯好唔好? 佢唔想, 可能因為無同學會咁做, 個個食三文治架嘛!

番學最緊要, 就係有好朋友! Jacab, Sam... 有時接佢放學佢無視我存在, 繼續同同學仔追追追! 

希望澳洲仔繼續鍾意番學, 輕輕鬆鬆學習!