屯門天水圍一日遊

慧慧生咗軒軒小弟弟，所以呢日就諗住入天水圍探下佢。

搭咗架長途巴士，初時兩個都合作，後期呀仔都唔舒服。

入得去咁遠，慧慧安排埋我地參加一個親子日式便當班，等呀仔同穎穎一齊玩！

要整蛋沙律，腸仔火腿要切ＰＡＴＴＥＲＮ，整飯團要剪紫菜做成個企鵝樣。

嘻嘻呀仔邊整邊食！

慧慧仲接受李麗蕊訪問添！

製成品

  大合照

本來之後諗住探軒軒，但ＴＩＭＩＮＧ夾唔到，軒軒訓咗覺。咁唯有下次先。

夜晚慧慧請去美心食，大家都食得好開心！

不過實在太遠，番到酒店大家都好累！

和三舅父飲茶

三舅父同三舅母都鍾意嚟太古坊呢間酒樓飲茶食飯。

飲完茶之後諗住行番太古城。估唔到呀女係都要拖住三舅父行！

係咁行係咁行，仲行得好快添！

仲認唔認得呢個蘋果呢？

到左太古城，去魚則魚涌公園玩左一陣。個公園又大又靚，兩個梗係玩得開心啦！

星期四 － 太古城day

逢星期四婆婆有節目，所以我安排咗呢日係太古城日，咁雖然我帶住妹妹，但都係個舒服Ｄ既環境，同埋唔使太多ＴＲＡＶＥＬＬＩＮＧ。

首先我地搭地鐵由北角站去太古站。

呀仔學咗「太古」呢兩個字，個古字我話：「即係用十把口嚟講古仔！」

上午我地學溜冰。呀仔第一次著溜冰鞋，好興奮！

教練Peter教呀仔，第一堂佢話呀仔都可以唔扶住行幾步，算係唔錯喎。

呀女都想溜埋一份？

ＬＵＮＣＨ　ＴＩＭＥ，今日我地食ＰＩＺＺＡ　ＨＵＴ。

食完ＬＵＮＣＨ，我地既精彩節目就係　－　去烏龜公園！佢地兩兄妹都好鍾意Ｄ龜龜，妹妹有幾次差Ｄ想落水一齊玩！

記唔記得呢度呢，係海天花園個平台公園！

我都唔識得數，唔知好多植物個間係咪９Ｅ呢？

一切都無乜點變！

最後一個節目，就係去creative kids上畫畫班。Raymund 同錡錡都有係呢度學畫。個導師教小朋友多留意身邊事物，用唔同材料整幅畫，好開心呀仔都好ＥＮＪＯＹ！

希望呀仔對太古城呢個地方都有好回憶！

在uncle Gary家

呀仔呀女俾想像中更加「痴身」, 但我要買野帶佢地兩個出去一定又辛苦又浪費時間, 好彩四舅父屋企可以俾佢地玩下. 佢地兩個都好鍾意呢個地方!

佢地落四舅父屋企樓下平台玩到身水身汗！

婆婆都有一齊玩！但睇住兩隻野走來走去，睇少眼都唔得！

仲有Sheena表姨姨一齊玩！

睇下哥哥，幾醜怪！

Auntie Emily都話呀仔乖左好多！

妹妹最鍾意叫Auntie Emily抱佢摸燈燈，但Auntie唔夠力啦！

Uncle Gary幫咗我地好多！

至愛零食

雖然都唔敢俾呀仔食太多街邊野, 但有D地道美食都想佢試下!

前幾日同呀仔食串咖喱魚蛋, 呀仔話：「媽媽, 我既favourite snack係魚蛋!」

今日, 我買咗豬腸粉俾呀仔, 呀仔話：「媽媽, 我另一個favourite snack係豬腸粉!」

4/9 探太婆

去太和探太婆, 出發無耐, 呀女已經訓著, 要婆婆抱住!

去到太婆屋企, 即刻同三姑婆玩!

妹妹同太婆第一次見面, 不過太婆已經唔係好睇到野, 但就成日話呀女精靈!

中途一齊落公園玩

呀仔宜家認得"太和"呢個STATION, 有太婆同三姑婆!

3/9 遊旺角

呢日試下放低妹妹俾婆婆睇住, 媽媽同哥哥去行下旺角...

行左好耐搵巴士站, 哥哥周圍要搵地方坐. 不過可以食YUMMY 北角雞蛋仔, 果然又幾香幾脆!

教咗呀仔香港同九龍, 中間有條TUNNEL連住, 其實我地係海底, 周圍有好多魚魚架!

去到旺角陪媽媽整眼鏡, 行無耐又搵鞋舖坐, 真肉酸!

俾佢試咗D街邊魚旦, 呀仔話："魚旦宜家係我既favourite snack!"

LUNCH去california pizza食...

再行左陣女人街, 俾D大嬸讚咗幾句靚仔之後, 呀仔開始有意識："媽媽, 我係咪真係靚仔呀?" 我答, 梗係唔係啦!

拖住佢都唔敢行得耐, 拿拿聲番百福, 原來個女已經喊咗好耐!

初到香港

8月31日初到香港, 俾兩位小朋友休息足夠, 2/9 等佢地去公園玩WARM UP下!

我地去咗西灣河既公園, 由地鐵站行去都起碼15分鐘, 呢個時候我先知道呀仔係咁唔行得, 行幾分鐘就話熱話累要休息! 唔知係咪太耐無熱過, 所以咁水皮! 婆婆都忍唔住, 要背住佢添!

我俾咗張兒童八達通俾呀仔, 佢好開心知道如果細過歲唔使錢, 佢高過條線, 即係大過3歲就要俾錢! 宜家去親地鐵站, 都要搵隻長頸麀嚟度下!

短短既路程呀仔行到死死下, 我唯有安撫下佢, 帶佢去食許留山! 佢食咗:"mixed fruits with mango and watermelon juices:", 即係雜果西米撈!

星期日晚去咗呀仔姑姐屋企, 表哥表姐熱情招待. 佢地好大個, 好成熟咁照顧表弟妹!

妹妹最鍾意搞人地個琴!

想佢地影張四人照, 一係掛住玩一係唔望鏡頭....

最定都係四個一齊玩WII時, 目光最一致!