上兩個禮拜哥哥發燒, 過多幾日病徵出嚟, 下, 又係手足口病？
不過半年前嗰次手足口就個口勁痛, 手腳都有粒粒但無感覺. 今次個口無咁痛, 但隻腳勁痕！
下, 之前又話手足口生完一次有免疫既？所以生第二次, 醫生話好rare.
半個禮拜後, 到妹妹嚟料！發燒發到39度, 第二日升到40度, 食完藥唔退燒, 差d同佢入醫院！好彩加埋panadol, d燒叫做退到. 之後手手腳腳都出粒粒, 無胃口, 幾日只食人奶. 其實佢連個身都有粒粒, 有醫生話佢同一時間生埋德國麻疹; 但因為我另外再問醫生意見, 2個醫生都話無可能, 好少兩隻virus同時發生. 話如果我想求證, 可以抽血驗, 否則, 德國麻疹其實病徵好輕微, 好快自己會好番. 咁緊係唔好無啦啦抽血整痛個女啦！
好啦, 又半個禮拜之後, 到我唔舒服！初時我只係喉嚨有d痛, 牙肉有d痛, 少到我都唔理佢. 後尾係有d燒, 38.6度, 都頂到. 最頂唔到係周身出哂風「懶」, 痕到c, 直情半夜起身要「r r r」！到call after hour doctor時,佢特別睇我d手腳, 之後話我手足口病！我諗都無諗過自己會惹到！乜唔係5歲以下先會有架咩？佢話係架, adult有好rare喎！不過d風「懶」可能係自己食錯野敏感.
隻手出粒粒頭2日,個人好炆, 覺得好多野都做唔到, 又痕. 後尾睇埋星加坡佬醫生, 佢又話好rare, 行醫幾廿年未見過大人會有, 話我既immunity system好弱喎！佢開咗d loction, 塗咗之後d唔舒服感覺少咗, 個人無咁唔開心.
今次三母子病, 發現3樣野：
1. 醫學上, 無野無可能 (所以咁容易中三樣rare既野)
2. 每個醫生既診斷會有分別, 真係睇下你信邊個, 或者要搵多幾個求證(但唔通下下睇幾個醫生咩！)又或者, 唔使次次要求證到百份百準確既.
3. 平時無事無幹, 唔好諗住自己真係好健康, 真係要努力提醒自己同埋幫屋企人建立健康生活, 飲多d水, 食多d生果,多d出去哂太陽, 做下運動, 仲有得閒煲下d乜乜水物物湯, 我諗對內在調理真係好架.
